Live Updates

ڈرون حملوں کے بعد پاکستان کا بھارت کوجواب دینا یقینی ہوگیا ہے

پاکستان بھارتی فوجی تنصیبات کو نشانہ بنائے گا، پاکستان بھارت تنازع بند گلی میں داخل ہورہا ہے،بھارت کے ساتھ جو کچھ ہوا وہ اس کی خفت مٹانے کی کوشش کررہا ہے۔وزیردفاع خواجہ آصف کی گفتگو

ثنااللہ ناگرہ جمعرات 8 مئی 2025 19:34

ڈرون حملوں کے بعد پاکستان کا بھارت کوجواب دینا یقینی ہوگیا ہے

اسلام آباد ( اردوپوائنٹ اخبار تازہ ترین۔ آئی پی اے ۔ 08 مئی 2025ء ) وزیردفاع خواجہ آصف نے کہا ہے کہ ڈرون حملوں کے بعد پاکستان کا بھارت کوجواب دینا یقینی ہوگیا ہے، پاکستان بھارتی فوجی تنصیبات کو نشانہ بنائے گا، پاکستان بھارت تنازع بند گلی میں داخل ہورہا ہے۔ انہوں نے غیرملکی خبررساں ادارے سے گفتگو کرتے ہوئے کہا کہ ڈرون حملوں کے بعد پاکستان کا بھارت کوجواب دینا یقینی ہوگیا ہے، پاکستان بھارتی فوجی تنصیبات کو نشانہ بنائے گا، بھارتی ڈرونزحملوں سے لاہور کے دفاعی نظام کو کوئی نقصان نہیں ہوا۔

پاک بھارت کشیدگی کم کرنے کیلئے امریکا کردار ادا کررہا ہے۔ اب کشیدگی میں کمی کی کوئی گنجائش باقی نہیں رہی، پاکستان بھارت تنازع بند گلی میں داخل ہورہا ہے۔ خواجہ آصف نے کہا کہ رافیل طیارے اڑانے والے ایک تو بزدل اور دوسرامہارت نہیں رکھتے تھے، رافیل طیارے بنانے والی کمپنی کو بھی دھچکا لگا ہے۔

(جاری ہے)

بھارت کے ساتھ جو کچھ ہوا وہ اس کی خفت مٹانے کی کوشش کررہا ہے۔

دوسری جانب پاکستان نے بھارت کے زیر استعمال دنیا میں پہلی مرتبہ اسرائیلی ساختہ ڈرون کو مار گرایا ہے رپورٹ کے مطابق پاکستان میں گرائے جانے والا ڈرون اسرائیلی ساختہ Heron MK 2 ہے جو 35 ہزار فٹ کی بلندی پر اڑتا ہے اس ڈرون کو انٹی ائیرکرافٹ گن سے ٹارگٹ نہیں کیا جاسکتا اس کا انجن برطانوی کمپنی UAV Engines LTD بناتی ہیں۔ پاک فوج کے شعبہ تعلقات عامہ (آئی ایس پی آر) کی جانب سے کہا گیا کہ افواج پاکستان کی سافٹ کل( تکنیکی ) اور ہارڈ کل( ہتھیاروں) سے اب تک 25 اسرائیلی ساخت کے ہیروپ ڈرونز کو مار گرایا گیا ہے بھارت کے 6 اور 7مئی کی درمیانی شب بزدلانہ حملہ میں 5 جدید طیاروں، ڈرونز، متعدد پوسٹوں کے تباہ اور فوجی ہلاکتوں ہونے کے بعد، بھارت بوکھلاہٹ میں یہ اسرائیلی ساختہ ہیروپ ڈرونز سے پاکستان پر حملہ کر رہا ہے۔

آئی ایس پی آر کے مطابق یہ بزدلانہ حملہ بھارت کی پریشانی اور بوکھلاہٹ کی نشانی ہے جبکہ لائن آف کنٹرول پر بھی بھارت نے بھرپور نقصان اٹھایا اور اٹھا رہا ہے ترجمان پاک فوج کے مطابق پاکستان کے مختلف علاقوں سے اسرائیلی ساختہ ہیروپ ڈرونز کا ملبہ اٹھایا جا رہا ہے افواج پاکستان دشمن کو منہ توڑ جواب دے رہی ہے اور اس کے تمام عزائم کو خاک میں ملا رہی ہیں۔