پاک فوج کی جوابی کارروائی، بھارتی فوج نے ایک بار پھر گھٹنے ٹیک دیئے، سفید جھنڈا لہرا دیا

لائن آف کنٹرول پر دھرمسال 2 پوسٹ بالمقابل بٹل سیکٹر میں پاک فوج کی کارروائی کے نتیجے میں بھارتی فوج نے گھٹنے ٹیک دئیے،بھارتی فوج کا سفید جھنڈا لہرانے کا مطلب شکست کو تسلیم کرنا ہے، سیکورٹی ذرائع

فیصل علوی جمعہ 9 مئی 2025 13:27

پاک فوج کی جوابی کارروائی، بھارتی فوج نے ایک بار پھر گھٹنے ٹیک دیئے، ..

اسلام آباد(اردوپوائنٹ اخبار تازہ ترین۔09 مئی 2025)پاک فوج کی جانب سے بھارتی جارحیت کیخلاف منہ توڑ جوابی کارروائی پربھارتی فوج نے ایک بار پھر گھٹنے ٹیک دیئے اورسفید جھنڈا لہرا دیا، سیکیورٹی ذرائع کے مطابق لائن آف کنٹرول پر دھرمسال 2 پوسٹ بالمقابل بٹل سیکٹر میں بھارتی فوج نے گھٹنے ٹیک دئیے، پاک فوج کی جانب سے منہ توڑ جواب پر بھارتی فوج نے سفید جھنڈا لہرا دیا۔

سکیورٹی ذرائع کے مطابق بھارتی فوج کا سفید جھنڈا لہرانے کا مطلب شکست کو تسلیم کرنا ہے۔بھارتی فوجی کی بزدلانہ کارروائیوں کا پاک فوج موثر اور بھرپور جواب دے رہی ہے۔پاک فوج نے لائن آف کنٹرول پر بھارتی جارحیت کا منہ توڑ جواب دیتے ہوئے بھارت کی متعدد چیک پوسٹیں تباہ کر دیں جبکہ دشمن ایک بار پھر بھاگنے پر مجبور ہوگیا، بھارتی فوجیوں نے ایل او سی پر سفید جھنڈا لہرا دیا۔

(جاری ہے)

قبل ازیںبوکھلاہٹ کا شکار بھارتی فوج نے سول آبادی پر گولہ باری شروع کر دی تھی۔ بلااشتعال فائرنگ سے 5 شہری شہید جبکہ 7 زخمی ہوگئے تھے۔سکیورٹی ذرائع کے مطابق کیلر سیکٹر میں ڈوبہ مور پوسٹ، بٹالین ہیڈ کوارٹر سوجی اور پیر کانتھی سیکٹر میں جبار اینڈ ترکھیاں کمپلیکس مکمل تباہ کر دیا گیا جبکہ ان پوسٹوں کی تباہی سے بھارتی فوج کو بھاری نقصان اٹھانا پڑا۔

سکیورٹی ذرائع نے مزید بتایا ہے کہ اس سے قبل بھی پاکستان کی موثر جوابی کارروائیوں سے کئی بھارتی چیک پوسٹ تباہ ہوچکی ہیں۔علاوہ ازیں ایل او سی کے قریبی علاقوں میں بھارت کیجانب سے کی گئی شیلنگ میں 4 افراد زخمی ہوئے ہیں۔ پاک فوج نے منہ توڑ جواب دیتے ہوئے جھنڈا زیارت پوسٹ تباہ کردی تھی۔پاک فوج دشمن کی جارحیت کا منہ توڑ جواب دینے میں مصروف تھیں۔

جوابی کارروائی میں بھارتی فوج کی توپیں خاموش ہوگئیں تھیں۔کیلر سیکٹر میں ڈوبہ مور پوسٹ، بٹالین ہیڈ کوارٹر سوجی اور پیر کانتھی سیکٹر میں جبار اینڈ ترکھیاں کمپلیکس مکمل تباہ ہوگئے تھے۔ ان پوسٹوں کی تباہی سے بھارتی فوج کو بھاری نقصان اٹھانا پڑاتھا۔کیلر سیکٹر میں دشمن کی مہیری پوسٹ اور خالصہ ٹاپ جبکہ رکھ چکری سیکٹر میں دنا ٹاپ اور ماﺅنڈ پوسٹ تباہ کی گئی تھی۔پاک فوج کے تازہ ترین حملوں میں دشمن کو بھاری نقصان اٹھانا پڑا، لائن آف کنٹرول پر پے در پے پوسٹوں کی تباہی سے دشمن بوکھلاہٹ کا شکار ہو چکا تھا۔