Live Updates

بھارت کیخلاف فتح ون میزائل کی لانچ، پاکستان نے حملوں میں شہید ہونے والے بچوں کے نام کر دی

فتح ون میزائل پر سیاہ رنگ کے کپڑے پر شہید ہونے 7بچوں کے نام درج تھے اور کہا گیا ہے کہ پاکستان ان معصوم بچوں کی شہادت کو نا بھولا ہے نا بھولے گا

فیصل علوی ہفتہ 10 مئی 2025 09:55

بھارت کیخلاف فتح ون میزائل کی لانچ، پاکستان نے حملوں میں شہید ہونے ..

راولپنڈی(اردوپوائنٹ اخبار تازہ ترین۔10 مئی 2025)آپریشن بنیان مرصوس میں بھارت کیخلاف فتح ون میزائل کی لانچ کو پاکستان نے حملوں میں شہید ہونے والے بچوں کے نام کر دیا،فتح ون میزائل پر سیاہ رنگ کے کپڑے پر شہید ہونے 7بچوں کے نام درج تھے اور کہا گیا ہے کہ پاکستان ان معصوم بچوں کی شہادت کو نا بھولا ہے نا بھولے گا،پاکستان نے بھارت کے خلاف جوابی کارروائی شروع کرتے ہوئے آج صبح فجر کی نماز کے بعد آپریشن بنیان مرصوس کاآغاز کیا۔

فتح میزائل کی رینج 120 کلومیٹر ہے، میزائل میں جدید نیوی گیشن سسٹم اور اعلیٰ درستگی شامل ہے۔سکیورٹی ذرائع کے مطابق فجر کے وقت دشمن کے خلاف آپریشن بنیان مرصوص کاآغاز کیا گیا اور بھارت پر فتح ون میزائل فائر کیا گیا ہے اور بھارت کی ادھم پور، پٹھان کوٹ ائیربیس اور براہموس سٹوریج تباہ کیا گیا ہے۔

(جاری ہے)

سیکیورٹی ذرائع کاکہنا تھا کہ پاکستان کے عوام اور مساجد کو جن ایئربیس سے ٹارگٹ کیا گیا تھا، ان اہداف کو نشانہ بنایا گیا تھا۔

سکیورٹی ذرائع کے مطابق فجر کے وقت دشمن کے خلاف آپریشن بنیان مرصوص کا آغاز کیا گیا اور بھارت پر فتح ون میزائل فائر کیا گیاتھا۔پاک فضائیہ کے جدید ترین جنگی طیارے جے ایف-17 تھنڈر نے ہائپرسونک میزائلوں سے بھارت کے انتہائی مہنگے اور جدید ایس-400 ائیر ڈیفنس سسٹم کو نشانہ بنا کر مکمل طور پر تباہ کر دیاتھا۔ذرائع کے مطابق یہ کامیاب حملہ بھارت کے علاقے ادھم پور اور بھوج میں کیا گیا، جہاں ایس-400 سسٹم تعینات تھا۔

ذرائع کا کہنا ہے کہ یہ کارروائی بھارتی جنگی جنون کے خلاف ایک واضح پیغام ہے کہ پاکستان اپنی خودمختاری اور قومی سلامتی پر کسی قسم کا سمجھوتہ نہیں کرے گا۔دہرنگیاری کے علاقے میں بھارتی آرٹلری گن پوزیشن کو بھی نشانہ بنایا گیا، جس سے بھارتی فورسز کو شدید نقصان اٹھانا پڑاتھا۔ذرائع کا کہناتھا کہ یہ اہداف دشمن کی جنگی صلاحیت کے اہم مراکز تھے جن کی تباہی سے بھارتی فوج کی کارروائیوں میں واضح رکاوٹ پیدا ہوئی تھی۔

سیکیورٹی حکام کامزید یہ بھی کہنا تھاکہ اب وقت آ چکا ہے کہ بھارت کو اس کے جارحانہ عزائم کا بھرپور جواب دیا جائے۔یہ سب اس وقت ہوا جب بھارت نے اشتعال انگیزی کا مظاہرہ کرتے ہوئے پاکستان کے تین ایئربیسز پر میزائل داغے۔ تاہم پاکستانی ایئر ڈیفنس سسٹمز نے نہ صرف ان حملوں کو ناکام بنایا بلکہ دشمن کو بھرپور جواب دے کر اس کی جارحیت کا منہ توڑ جواب دیا تھا۔