Live Updates

پاک نیوی کا برطانوی اخبار کی رپورٹ پر ردعمل: بھارتی ایئرکرافٹ کی کراچی آمد کی خبر بے بنیاد قرار

پاک بحریہ بھارت کی ہر قسم کی مہم جوئی اور جارحیت کا بھرپور جواب دینے کی پوری طاقت واستعداد رکھتی ہے

ہفتہ 10 مئی 2025 21:45

کراچی(اُردو پوائنٹ اخبارتازہ ترین - این این آئی۔ 10 مئی2025ء)پاکستان نیوی کے سکیورٹی ذرائع نے برطانوی اخبار میں شائع ہونے والی اس خبر کو یکسر مسترد کر دیا ہے جس میں دعوی کیا گیا تھا کہ بھارتی ایئرکرافٹ کیریئر کراچی کے قریب آریا ہے۔ ذرائع نے بتایا کہ اس خبر میں کوئی صداقت نہیں اور یہ بے بنیاد اور من گھڑت ہے۔پاکستان نیوی کے سکیورٹی ذرائع نے واضح کیا کہ پاک بحریہ ملک کی بحری سرحدوں کے دفاع کے لیے مکمل طور پر چوکس اور تیار ہے۔

(جاری ہے)

بیان میں کہا گیا کہ پاک بحریہ بھارت کی ہر قسم کی مہم جوئی اور جارحیت کا بھرپور جواب دینے کی پوری طاقت واستعداد رکھتی ہے۔بیان کے آخر میں اس عزم کا اظہار کیا گیا کہ پاکستان کی سمندری حدود کے دفاع کے لیے نیوی ہر وقت تیار ہے اور کسی بھی خطرے کا بھرپور جواب دیا جائے گا۔یاد رہے کہ کہ 6 اور 7 مئی کی درمیانی شب میں بھارت کی جانب سے ہونے والے حملوں کے جواب میں پاک فوج نے اب تک درجنوں بھارتی پوسٹیں تباہ کیں اور 5 جنگی طیاروں کے علاوہ 77 ڈرونز مار گرائے ہیں۔