پی ڈی ایم پنجاب کا شہریوں کو گرمی سے متعلق بیماریوں سے بچائو، احتیاطی تدابیر کا مشورہ

اتوار 11 مئی 2025 14:50

اسلام آباد (اُردو پوائنٹ اخبارتازہ ترین - اے پی پی۔ 11 مئی2025ء) پی ڈی ایم پنجاب نے شہریوں کو احتیاطی تدابیر اختیار کرنے کا مشورہ دیتے ہوئے خاص طور پر دوپہر کے اوقات میں گرمی سے پیدا ہونے والی بیماریوں سے بچنے کے لیے بوڑھوں اور بچوں سمیت کمزور افراد کو ہائیڈریٹ رہنے کی تاکید کی اور کہا کہ دھوپ سے بچیں۔پی ڈی ایم پنجاب کے ترجمان نے اتوار کو اپنے ایک انٹرویو میں کہا کہ پاکستان کے محکمہ موسمیات نے پیش گوئی کی ہے کہ لاہور اور شہر کے دیگر علاقوں میں آنے والے دنوں میں موسم گرم اور خشک رہنے کی توقع ہے، بارش کا امکان کم ہے ۔

انہوں نے درجہ حرارت میں اضافہ کی پیش گوئی کا حوالہ دیتے ہوئے شہریوں سے احتیاطی تدابیر اختیار کرنے کی اپیل کی۔ انہوں نے کہا کہ موسم کی یہ تبدیلی پنجاب کے کچھ حصوں میں موجودہ خشک موسم اور گرمی میں اضافہ کرے گی جس سے صحت عامہ کے ممکنہ مسائل پیدا ہونے کا خدشہ ہے۔

(جاری ہے)

انہوں نے خبردار کیا کہ آئندہ 48 سے 72 گھنٹوں کیلئے طویل خشک موسم کی پیش گوئی کی گئی ہے، درجہ حرارت مزید بڑھنے کا امکان ہے اور بارش کا امکان نہ ہونے کے برابر ہے، جس کے نتیجے میں گرمی کا دباؤ بڑھ جائے گا۔

انہوں نے بتایا کہ رہائشیوں کو ہائیڈریٹ رہنے، زیادہ گرمی کے اوقات میں بیرونی سرگرمیوں سے گریز کرنے اور خود کو گرمی سے متعلق بیماریوں سے بچانے کے لیے ضروری احتیاطی تدابیر اختیار کرنے کا مشورہ دیا ۔انہوں نے بتایا کہ ہیٹ ویو کی وارننگ احتیاطی تدابیر کے طور پر جاری کی گئی ہے تاکہ عوام کی حفاظت کو یقینی بنایا جا سکے اور صحت کے خطرات کو کم کیا جا سکے۔

انہوں نے مزید کہا کہ متعلقہ حکام ہائی الرٹ پر ہیں، موسم کی صورتحال پر گہری نظر رکھے ہوئے ہیں اور کسی بھی ہنگامی صورتحال سے نمٹنے کے لیے تیار ہیں۔ انہوں نےشہریوں سے اپیل کی کہ وہ چوکس رہیں اور گرمی سے متعلق کسی بھی واقعے یا خدشات کی اطلاع مقامی حکام کو دیں۔ انہوں نے مزید کہا کہبچوں، بوڑھوں اور پہلے سے صحت کے مسائل کے شکار کمزور افراد کے لیے خصوصی نگہداشت کی سفارش کی جاتی ہے۔