Live Updates

پاک فوج نے بھارت کیخلاف آپریشن بنیان مرصوص کرکے قوم کاسرفخر سے بلند کردیا،سید جہانگیرشاہ

اتوار 11 مئی 2025 18:05

کوئٹہ(اُردو پوائنٹ اخبارتازہ ترین - این این آئی۔ 11 مئی2025ء)پاک فوج کے بھارت کے خلاف آپریشن بنیان المرصوص کی کامیابی پر گورنر بلوچستان شیخ جعفرخان مندوخیل کی ہدایت پر سیاسی و قبائلی رہنما سید جہانگیر شاہ، میر زبیر احمد کی قیادت میں اکرم ہسپتال کوئٹہ کے سامنے سے ایک ریلی نکالی گئی جو ڈبل روڈ، انسکمب روڈ، جناح روڈ، شارع اقبال سے ہوتی ہوئی پریس کلب پہنچی ریلی کی شرکاء نے بینرز اور پاکستانی جھنڈے اٹھارکھے تھے ریلی کے شرکاء پاک فوج زندہ باد کے نعرے لگارہے تھے۔

ریلی کے شرکاء سے سید جہانگیر شاہ اور زبیراحمد نے کہا کہ پاک فوج نے بھارت کے خلاف کامیاب آپریشن بنیان مرصوص کرکے قوم کاسرفخر سے بلند کردیا،بھارتی جارحیت کے خلاف پوری قوم متحد اورپرعزم ہے ملکی سلامتی کیلئے کسی قربانی سے دریغ نہیں کیا جائیگاپوری قوم افواج پاکستان کے شانہ بشانہ دشمن کو منہ توڑ جواب دینے کیلئے تیار ہے۔

(جاری ہے)

انہوں نے کہا کہ پاک فوج نے موثر انداز میں بھارتی جارحیت کونہ صرف روکا بلکہ اسکے 5جنگی طیارے اور 70کے قریب اسرائیلی ساختہ ڈراؤن کو مارا گیا ۔

انہوں نے کہا کہ بھارت نے جارحیت کرتے ہوئے پاکستان کی سویلین آبادی کو نشانہ بنایا جس کے نتیجے میں بے گناہ معصوم شہری ،بچے اور خواتین شہید اورزخمی ہوئے جس کے جواب میں پاک فوج نے آپریشن بیان المرصوص کے ذریعے بھارت کی حساس تنصیبات اور فوجی چوکیوں کو نشانہ بناتے ہوئے بھارت کو بھاری جانی اور مالی نقصان پہنچایا جس پر پاک فوج کو خراج تحسین پیش کرتے ہیں۔

انہوں نے کہا کہ پاکستان ہمارا ملک ہے جسے ہمارے آباؤ اجداد نے بڑی قربانیوں کے بعد حاصل کی اپنے ملک کی حفاظت اپنے خون کے آخری قطرے تک کریں گے ۔انہوں نے کہا کہ ملک کے دفاع کیلئے پوری پاکستانی قوم اپنی فوج کے شانہ بشانہ کھڑی ہے اور دشمن کو بتادینا چاہتے ہیںکہ اگراس نے دوبار ہ جارحیت کا ارتکاب کیا تو اسے اس سے کئی گناہ زیادہ طاقت سے جواب دیا جائے گا۔