Live Updates

مسلح افواج نے بھارت کے خلاف آپرشن میں تاریخی کامیاب حاصل کی ،چیئرمین سیلانی ویلفیئرانٹرنیشنل

پاک فضائیہ کے دو شاہینوں نے تاریخی کارنامہ انجام دیا،ان دونوں پاک فضائیہ کے ہیروز کو 25 لاکھ فی کس ذاتی حیثیت میں نقد انعام دیا جائے گا،مولانا بشیرفاروقی

اتوار 11 مئی 2025 22:55

کراچی(اُردو پوائنٹ اخبارتازہ ترین - این این آئی۔ 11 مئی2025ء)سیلانی ویلفیئرانٹرنیشنل ٹرسٹ کے بانی و چیئرمین مولانا بشیر فاروقی نے کہاہے کہ مسلح افواج نے بھارت کے خلاف آپرشن میں تاریخی کامیاب حاصل کی ۔پاک فضائیہ کے دو شاہینوں نے تاریخی کارنامہ انجام دیا۔دشمن کو تباہ و برباد کردیا۔ان دونوں پاک فضائیہ کے ہیروز کو 25 لاکھ فی کس ذاتی حیثیت میں نقد انعام دیا جائے گا۔

وہ اتوار کو کراچی پریس کلب میں پریس کانفرنس کررہے تھے۔بشیر فاروقی نے کہا کہ اہل وطن کو بتانا چاہتا ہوں۔اللہ کی رحمت سے ہمیں کامیابی اور فتح ہوئی ۔دو ایٹمی طاقتیں آمنے سامنے تھیں۔اس آپریشن کی کامیابی کے لیے آرمی چیف جنرل عاصم منیر نے فجر کی نماز ادا کی تلاوت اور دعا کی۔اس آپریشن میں ہماری فضائیہ کے دو فائٹرز پائلٹس نے اپنی موت کے پروانوں پر دستخط کیے اور جنگ کے لیے روانہ ہوئے ۔

(جاری ہے)

یہ دونوں شائین نے دشمن پر عقاب کی طرح حملہ آور ہوئے ۔دشمنوں کو نیست و نابود کردیا۔ہماری مسلح افواج کی میزائلوں کی بارش سے برطانیہ سمیت پوری دنیا حیران ہوگئی ۔انہوں نے کہا کہ پاکستان کا دفاع مضبوط ہاتھوں میں ہے ۔ہماری مسلح افواج نے دشمن سرکار مودی کو شکست دی ۔ہم اپنی افواج کو سلام اور سپہ سالار کو خراج تحسین کرتے ہیں۔انہوں نے اعلان کیا کہ پاک فضائیہ کے ان دونوں ہیروز کو 25 لاکھ روپے فی کس انعام دیں گے۔یہ قوم کے شاہین ہیں ۔ہمیں ان پر فخر ہے۔انہوں نے کہا کہ یہ انعامی رقم میں اور ساتھی زاتی حیثیت میں دیں گے۔