Live Updates

پاکستان سپر لیگ 10 کے میچز کے آغاز کی ممکنہ تاریخ سامنے آگئی

پاکستان کرکٹ بورڈ نے فرنچائزز کو آگاہ کردیا

ذیشان مہتاب پیر 12 مئی 2025 14:11

پاکستان سپر لیگ 10 کے میچز کے آغاز کی ممکنہ تاریخ سامنے آگئی

لاہور (اردو پوائنٹ تازہ ترین اخبار ۔ 12 مئی 2025ء ) پاکستان سپر لیگ 10 کے بقیہ میچز شروع کرنے کیلئے 16 سے 18 مئی کی تاریخیں زیر غور ہیں۔

نجی ٹی وی سما نیوز کے ذرائع کے مطابق باقی میچز پاکستان میں ہی ہوں گے، فرنچائزز کو آگاہ کردیا گیا۔

ذرائع کے مطابق پاکستان اور بھارت کے درمیان جنگ کے باعث ملتوی کی گئی پاکستان سپر لیگ 10 کے باقی میچز شروع کرنے کیلئے 16 سے 18 مئی کی تاریخیں زیر غور ہیں۔

(جاری ہے)

ذرائع کا کہنا ہے کہ پی ایس ایل 10 کا حتمی شیڈول جلد فائنل کردیا جائے گا، پی ایس ایل کے بقیہ میچز پاکستان میں ہی ہوں گے، پی سی بی نے فرنچائزز کو آگاہ کردیا۔

ذرائع کے مطابق پی ایس ایل 2025ء کے بقیہ میچز کیلئے ملکی اور غیر ملکی کھلاڑیوں سے بات چیت جاری ہے، پلے آف راؤنڈ سمیت پاکستان سُپر لیگ سیزن 10 کے 8 میچز باقی ہیں۔