Live Updates

شوپیاں ،بھارتی فوجیوں کے ہاتھوں جعلی مقابلے میں3 کشمیری نوجوان شہید

بھارتی فورسز نے نوجوانوں کو شوپیاں میں ایک جعلی مقابلے میں شہید کرنے کے بعدان کی میتوں کو علاقے میں منتقل کیا

منگل 13 مئی 2025 14:54

سرینگر(اُردو پوائنٹ اخبارتازہ ترین - این این آئی۔ 13 مئی2025ء)غیر قانونی طور پر بھارت کے زیر قبضہ جموں و کشمیر میں بھارتی فوجیوں نے اپنی ریاستی دہشت گردی کی تازہ کارروائی کے دوران ضلع شوپیاں میں تین کشمیری نوجوانوں کو جعلی مقابلے میں شہید کر دیاہے۔

(جاری ہے)

کشمیر میڈیا سروس کے مطابق نوجوانوں کو بھارتی فوجیوں نے ضلع کے علاقے کیلر شکرو میں محاصرے اور تلاشی کی کارروائی کے دوران شہید کیا۔ ایک سینئر بھارتی پولیس افسر نے نوجوانوں کو عسکریت پسند قرار دیتے ہوئے دعویٰ کیا ہے کہ انہیں فائرنگ کے تبادلے میں قتل کیاگیا ۔مقامی لوگوں نے میڈیا سے گفتگو میں بتایا ہیکہ بھارتی فورسز نے نوجوانوں کو شوپیاں میں ایک جعلی مقابلے میں شہید کرنے کے بعدان کی میتوں کو علاقے میں منتقل کیاہے۔