Live Updates

پاک فوج کے سربراہ نے اپنا قول سچ کر دکھایا کشمیر پر تین جنگیں لڑی ہیں سات اور لڑیں گے،چوہدری محمد شبیر

بدھ 14 مئی 2025 16:41

لندن(اُردو پوائنٹ اخبارتازہ ترین - این این آئی۔ 14 مئی2025ء)سینئر نائب صدر پاکستان پیپلزپارٹی برمنگھم برطانیہ چوہدری محمد شبیر نے مسلح افواج پاکستان کو آپریشن ’’بنیان مرصوص‘‘ پر اوورسیز کشمیریوں کی جانب سے خراج تحسین پیش کیا ہے۔اپنے خصوصی بیان میں چوہدری محمد شبیر نے کہا کہ پاک فوج کے سپہ سالار جنرل سید عاصم منیر کو سلام پیش کرتے ہیں،پاک فوج کے سربراہ نے اپنا قول سچ کر دکھایا کشمیر پر تین جنگیں لڑی ہیں سات اور لڑیں گے،پاک فوج نے بے گناہ شہریوں کی شہادت کا بدلہ لے لیا۔

انہوں نے کہا کہ پاک فوج کی مہارت نے دنیا کو حیران کر دیا،پاک فوج نے بھارت کی ملٹری انسٹالییشنز تباہ کر کے رکھ دیں اور بھارت کو منہ توڑ جواب دیا ہے۔انھوں نے مزید کہا کہ آپریشن ''بنیان مرصوص'' نے دشمن پر پاک فوج کی ہیبت طاری کر دی ہے پاک فوج نے صرف بھارت کے ملٹری اہداف کو نشانہ بنایا،پاک فوج کی Accuracy کمال ہے،پاک فوج نے خطے میں اپنی دھاک بٹھا دی ہے۔

(جاری ہے)

انہوں نے کہا کہ پوری قوم اپنی مسلح افواج کے ساتھ ہے،اوورسیز کشمیری عوام اور مسلح افواج یک جان دو قالب ہیں،انہوں نے مزید کہا کہ بھارتی وزیراعظم نریندرمودی مسلمانوں کا قاتل ہے پوری دنیا بھارتی گجرات کے قصائی نریندرمودی کے ظلم وستم سے واقف ہے ان کا کہنا تھا کہ میں مسلح افواج پاکستان کے عزم، جذبے اور قربانیوں کو سلام پیش کرتا ہوں قوم کو اپنی بہادر افواج پاکستان پر فخر ہے، پاکستان کی مسلح افواج نے قوم کا سر فخر سے بلند کر دیا ہی.انہوں نے کہا کہ ہندوستانی جارحیت کا موثر جواب دینے پر آرمی چیف جنرل سید عاصم منیر اور اپنے بہادر جوانوں کو خراج تحسین پیش کرتے ہیں پاکستان کا ہندوستان کو دن کی روشنی میں دندان شکن جواب ہندوستان کو ہمیشہ یاد رہے گا.انہوں نے کہا کہ افواج پاکستان نے دفاع وطن کیلئے جرات اور بہادری کی ناقابل فراموش مثالیں قائم کر دی ہیں۔

۔۔