Live Updates

ملک کا دفاع مضبوط ہاتھوں میں ہے ، مسلح افواج نے بھارتی جارحیت کا منہ توڑ جواب دیا، رانا مشہود

بدھ 14 مئی 2025 23:08

اسلام آباد (اُردو پوائنٹ اخبارتازہ ترین - آن لائن۔ 14 مئی2025ء) وزیر اعظم یوتھ پروگرام کے چئیرمین رانا مشہود نے کہا ہے کہ ملک کا دفاع مضبوط ہاتھوں میں ہے ۔ مسلح افواج نے بھارتی جارحیت کا منہ توڑ جواب دیا ۔ حکومت نوجوانوں کی فنی تعلیم و تربیت کے لئے اقدامات کر رہی ہے۔ تقریب سے خطاب کرتے ہوے انہوں نے کہا نواز شریف نے ملک کو ایٹمی طاقت بنایا آج ملک کا دفاع مضبوط ہاتھوں میں ہے۔

انہوں نے کہا کہ مسلح افواج نے بھارتی جارحیت کا منہ توڑ جواب دیا ۔

(جاری ہے)

پوری قوم مسلح افواج کے شانہ بشا نہ کھڑی ہے ۔ انہوں نے کہا حکومت نوجوانوں کی فنی تعلیم و تربیت کے لئے اقدامات کر رہی ہے ۔ نوجوا ن ہمارا مستقبل ہیں ۔ ہم یوتھ پروگرام کے تحت نو جوانوں کا مواقع فراہم کر رہے ہیں ۔ پرائم منسٹر یو تھ لون پروگرام کے تحت نو جوانوں کو آسان شرائط پر قرضے دے رہے ہیں ۔ انہوں نے کہا کہ ؂ دانش سکول کا دائرہ کار ملک بھر میں پھیلایا جا رہا ہے ۔ انہوں نے کہا کہ ملک معاشی ترقی کی راہ پر گامز ن ہو چکا ۔ پاکستان کی ترقی اور خو شحالی کو کوئی بھی نہیں روک سکتا۔