Live Updates

آج افواجِ پاکستان کی بہادری اور جرات کو خراج تحسین پیش کرنے کا دن ہے، بلاول بھٹو زرداری کا یوم تشکر پر پیغام

جمعہ 16 مئی 2025 11:10

کراچی (اُردو پوائنٹ اخبارتازہ ترین - اے پی پی۔ 16 مئی2025ء) پاکستان پیپلزپارٹی کے چیئرمین بلاول بھٹو زرداری نے آپریشن بنیان مرصوص کی کامیابی پر یوم تشکر کے موقع پر پاکستان کے عوام اور افواج پاکستان کو مبارک باد پیش کی ہے ۔ اپنے پیغام میں انہوں نے کہا ہے کہ آج اس عہد کی تجدید کا دن ہے کہ جب بھی وطن عزیز کی بقا پر حرف آیا، ہم سب اسی طرح متحد اور بلند حوصلہ رہیں گے۔

(جاری ہے)

آپریشن بنیان مرصوص کی کامیابی نے خطے میں بھارت کی عسکری برتری کا غرور خاک میں ملادیا ہے۔بلاول بھٹو زرداری نے کہا کہ آج ثابت ہوچکا ہے کہ فضاؤں سے سمندروں تک اور بلندوبالا پہاڑوں سے میدانوں تک پاکستان کی برتری ہے،بھارت کے بزدلانہ حملے کی ناکامی نے پوری دنیا میں ہندوستانی حکومت کو رسوا کردیا ہے۔انہوں نے کہا کہ ہم پرامن ہیں مگر ہم سے جو ٹکرائے گا، اس کو کاری جواب ملے گا، انہوں نے کہا کہ بھارت کی طرف سے سندھ طاس معاہدے کی یکطرفہ معطلی ناقابل برداشت ہے، ہم اپنے آبی حقوق پر حملے کا دفاع کریں گے۔