Live Updates

دنیا پاکستان کے مائیکرو اکنامک استحکام سے مطمئن ہے،محمد اورنگزیب

پاکستان کیلئے ماحولیاتی تبدیلی خطرہ بن چکی ،اثرات سے نمٹنے کیلئے فنانسنگ پر کام جاری ،وزیرخزانہ

جمعہ 16 مئی 2025 11:54

دنیا پاکستان کے مائیکرو اکنامک استحکام سے مطمئن ہے،محمد اورنگزیب

اسلام آباد(اُردو پوائنٹ اخبارتازہ ترین - این این آئی۔ 16 مئی2025ء)وفاقی وزیر خزانہ محمد اورنگزیب نے کہاہے کہ دنیا پاکستان کے مائیکرو اکنامک استحکام سے مطمئن ہے تاہم ہمیں ملائیشیا کے ماڈل کو اپنانا ہوگا۔انہوں نے گرین گونگ سکوک تقریب میں ویڈیو لنک سے خطاب کرتے ہوئے کہا کہ ملک بھر میں یوم تشکر جوش و جذبے سے منایا گیا۔انہوںنے کہاکہ گزشتہ روز اسٹاک مارکیٹ بلند ترین سطح پر بند ہوئی۔

(جاری ہے)

محمد اورنگزیب نے بتایاکہ واشنگٹن اور لندن میں سرمایہ کاروں سے ملاقاتیں ہوئیں، دنیا پاکستان کے مائیکرو اکنامک استحکام سے مطمئن ہے۔ وزیر خزانہ نے کہاکہ پاکستان کا پہلا سکوک بانڈ لانچ کر رہے ہیں، بجٹ پر کام جاری ہے، اسٹیک ہولڈرز سے مشاورت ہو رہی ہے، وہ بجٹ تجاویز پیش کر رہے ہیں۔انہوں نے بتایا کہ پاکستان کیلئے ماحولیاتی تبدیلی ایک خطرہ بن چکی ہے، ماحولیاتی اثرات سے نمٹنے کے لیے فنانسنگ پر کام جاری ہے۔