Live Updates

جو ہوا اس سے غیرملکی کھلاڑیوں کے اہلخانہ پریشان ہوگئے تھے،ثمین رانا

جمعہ 16 مئی 2025 19:16

نئی دہلی (اُردو پوائنٹ اخبارتازہ ترین - این این آئی۔ 16 مئی2025ء)پاکستان سپر لیگ (پی ایس ایل) فرنچائز لاہور قلندرز کے ٹیم ڈائرکٹر ثمین رانا نے کہا ہے کہ جو ہوا اس سے غیرملکی کھلاڑیوں کے اہلخانہ پریشان ہوگئے تھے۔نجی ٹی وی سے گفتگو کرتے ہوئے ثمین رانا نے کہا کہ مشکل وقت تھا تاہم پی ایس ایل 10 کم وقت میں دوبارہ شروع ہونے جارہی ہے، پی ایس ایل فنانشل ماڈل کے چیلنجز پہلے سال کے بنے ہوئے ہیں۔

ثمین رانا نے کہا کہ چیئرمین پی سی بی بار بار تبدیل ہونے کی وجہ سے فنانشل ماڈل ٹھیک نہیں ہو پایا، پی ایس ایل سے قبل 5 فرنچائز خریدنے کے لیے 6 افراد تھے، پی ایس ایل 6 بار منسوخ ہوچکی تھی، پی سی بی کو بھی یقین نہیں تھا کہ پی ایس ایل کامیاب ہوگی۔انہوں نے کہا کہ پی ایس ایل کے پہلے سال 5 فرنچائز خریدنے والوں نے لیگ کو کامیاب بنایاجس فرنچائز نے پی ایس ایل میں کام کیا اسے آئندہ سال بڈنگ میں نقصان نہیں ہوگا۔

(جاری ہے)

ثمین رانا نے کہا کہ پی ایس ایل کو مالی فوائد سے زیادہ ملک کیلیے دیکھنا چاہیے، آئندہ دس سال کیلئے فرنچائز کے مالکانہ حقوق کیلیے سب سے پہلے موجودہ فرنچائز کو حق دیا جائے گا۔ثمین رانا نے کہا کہ کراچی میں کراؤڈ ویسے بھی کم آتا ہے، لاہور قلندرز کے مداح ہر شہر میں موجود ہیں، لیگ جب شروع ہو تو بڑے کھلاڑیوں کی ضرورت ہوتی ہے، پی ایس ایل برینڈ بن گیا ہے، بڑے ناموں کی اب ضرورت نہیں۔

انہوں نے کہا کہ کراؤڈ کو اسٹیڈیم میں لانے کیلئے فرنچائز کو مارکیٹنگ بہتر کرنے کی ضرورت ہے، ٹکٹوں سے فرنچائز کو پیسہ ملتا ہے، عوام کو مالی مسائل ہیں جس کے باعث ٹکٹیں سستی رکھیں، مزید فرنچائز کو پی ایس ایل میں شامل کرنا اچھا ہوگا لیکن ٹھوس وجہ ہونی چاہیے۔انہوںنے کہاکہ پی ایس ایل میں کھلاڑی محدود ہیں، زیادہ فرنچائز سے کوالٹی پر سمجھوتا ہو جائے گا۔ چند میچز کے بعد کپتانی واپس لے لینے سے شاہین آفریدی پر بھی ضرور اثر پڑا ہوگا، شاہین آفریدی کی کپتانی میں جذبہ نظر آیا ہے، لاہورقلندرز ضرور فائنل جیتے گی۔