گورنر سندھ کی یومِ تشکر کے موقع پر مزارِ قائد پر حاضری و فاتحہ خوانی

قائداعظم محمد علی جناحؒ کے مزار پر حاضری، دل میں آزادی کی قدر کا احساس بڑھاتی ہے،کامران ٹیسوری کی میڈیا سے گفتگو

جمعہ 16 مئی 2025 21:26

گورنر سندھ کی یومِ تشکر کے موقع پر مزارِ قائد پر حاضری و فاتحہ خوانی

کراچی(اُردو پوائنٹ اخبارتازہ ترین - این این آئی۔ 16 مئی2025ء)گورنر سندھ کامران خان ٹیسوری نے یومِ تشکر کے موقع پر مزارِ قائد پر حاضری دی، فاتحہ خوانی کی اور مہمانوں کی کتاب میں اپنے تاثرات قلمبند کیے۔ اس موقع پر قائد حزبِ اختلاف سندھ اسمبلی علی خورشیدی اور ایم کیو ایم پاکستان کے دیگر منتخب نمائندگان بھی گورنر سندھ کے ہمراہ موجود تھے۔ گورنر سندھ نے مزار قائد پر حاضری کے بعد میڈیا سے گفتگو کرتے ہوئے کہا کہ قائداعظم محمد علی جناحؒ کے مزار پر حاضری، دل میں آزادی کی قدر کا احساس بڑھاتی ہے۔

گورنر سندھ نے ملکی دفاع پر بات کرتے ہوئے کہا کہ دشمن ملک بھارت نے اپنی مرضی سے جنگ مسلط کی، مگر افواجِ پاکستان نے بروقت اور منہ توڑ جواب دے کر قوم کا سر فخر سے بلند کیا۔

(جاری ہے)

گورنر سندھ نے کہا کہ بھارتی حکومت سیز فائر کی بھیک مانگتی رہی، جبکہ پاکستان کی قیادت نے صبر و تحمل کا مظاہرہ کیا۔ انہوں نے مزید کہا کہ ہم ایک پُرامن قوم ہیں، جنگ نہیں چاہتے، مگر وطن کے دفاع پر کوئی سمجھوتہ بھی قبول نہیں۔

الحمدللہ پوری قوم سپہ سالار جنرل سید عاصم منیر کی قیادت میں بین الاقوامی سطح پر سرخرو ہوئی، گورنر سندھ نے کہا کہ بھارت خطے میں بالادستی چاہتا تھا، مگر ہماری مسلح افواج نے اُس کے ناپاک عزائم خاک میں ملا دیے۔ مودی سرکار نے نہ صرف ہمارے بچوں کو شہید کیا بلکہ مسجد کو بھی نقصان پہنچایا۔ میں اپنی عظیم افواج اور اُن کے شہداء، خصوصاً ان معصوم بچوں کو خراجِ عقیدت پیش کرتا ہوں جو بھارتی بربریت کا نشانہ بنے۔گورنر سندھ کامران خان ٹیسوری نے کہا کہ آج تمام سیاسی جماعتوں نے قومی یکجہتی کا مظاہرہ کیا، جو ہمارے اتحاد اور مضبوطی کی اصل علامت ہے۔ انہوں نے مزید کہا کہ ہمیں آئی ایم ایف جیسے اداروں کے قرضوں سے آزادی حاصل کرنی ہوگی اور خودانحصاری کی راہناپنانینہوگی۔