ڈونلڈ ٹرمپ کا ویژن امریکا سمیت دنیا کو بھی عظیم بنائے گا: ٹیمی بروس

ہفتہ 17 مئی 2025 20:29

واشنگٹن (اُردو پوائنٹ اخبارتازہ ترین - آن لائن۔ 17 مئی2025ء) ترجمان امریکی دفتر خارجہ ٹیمی بروس نے کہا کہ ڈونلڈ ٹرمپ کا ویڑن امریکا سمیت دنیا کو بھی عظیم بنائے گا۔

(جاری ہے)

ترجمان امریکی دفتر خارجہ ٹیمی بروس نے ترکیہ میں نیٹو اجلاس کے موقع پر ویڈیو پیغام میں کہا کہ اس وقت امریکا عالمی سطح پر لیڈر شپ کا کردار ادا کر رہا ہے، ٹرمپ کے اقدامات سے دنیا میں روزگار، دفاع، سکیورٹی اور تعلقات میں بہتری آئے گی۔

ٹیمی بروس کا مزید کہنا تھا کہ امریکی صدر اربوں ڈالر کے معاہدے کر رہے ہیں، دنیا امریکا کے ساتھ دوستی پر فخر کرے گی، امریکا اگر آپ کے ساتھ ہے تو خوشحالی آپ کے ساتھ ہے۔واضح رہے کہ امریکی صدر ڈونلڈ ٹرمپ نے حالیہ دنوں میں سعودی عرب، متحدہ عرب امارات، قطر کا دورہ کیا ہے اور اپنے دوروں کے دوران انہوں نے اربوں ڈالرز کے معاہدے بھی کئے ہیں۔