Live Updates

wپی ایس ایل 10‘ کرکٹ ٹیمز کی آمد و رفت کیلئے ٹریفک پلان مرتب

اتوار 18 مئی 2025 18:20

9راولپنڈی (اُردو پوائنٹ اخبارتازہ ترین - آن لائن۔ 18 مئی2025ء)پاکستان اور بھارت کے درمیان سیزفائر کے بعد پاکستان سپر لیگ (پی ایس ایل) 10 کے دوبارہ آغاز پر اسلام آباد میں کرکٹ ٹیمز کی سیکیورٹی اور آمد و رفت کے لیے پلان ترتیب دے دیا گیا۔ٹریفک پولیس کے مطابق کرکٹ ٹیمز کی آمد و رفت کی وجہ سے دن ساڑھے 12 بجے سے 2 بجے تک اور شام 6 سے رات 8 بجے تک ایکسپریس ہائی وے اور سری نگر ہائی وے پر ٹریفک کی روانی میں تعطل آئے گا۔

(جاری ہے)

ٹریفک پولیس نے شہریوں کو ہدایت کی ہے کہ شہری ایکسپریس ہائی وے اور سری نگر ہائی وے سے منسلک سروس روڈ استعمال کریں۔ٹریفک پولیس نے بلیو ایریا، سیکٹر ایف 6 اور ایف 7 جانے والوں کو ایچ 8 انڈر پاس استعمال کرنے کی ہدایت جاری کی ہے۔ٹریفک پولیس نے ریڈ زون اور سرینا ہوٹل آنے جانے والی ٹریفک کو مارگلہ روڈ، جناح ایونیو، ایوب چوک اور نادرا چوک استعمال کرنے جبکہ بری امام جانے والے شہریوں کو نادرا چوک کا استعمال کرنے کی ہدایت کی ہے۔