کمیٹی میں اپوزیشن کی نمائندگی ہوتی تو وفد کی آواز پاکستان کی آواز بن کر سامنے آتی

مغربی ممالک میں بھارت کا بیانیہ نہیں چل سکا، پی ٹی آئی کی بڑی ناکامی 8 فروری الیکشن کے بعد تھی، وہ فارم 47 کے تحت الیکشن لے کر چلتے بنے، لیکن پی ٹی آئی کوئی احتجاج نہیں کرسکی۔ سیاسی رہنماء مصطفی نوازکھوکھر

ثنااللہ ناگرہ پیر 19 مئی 2025 21:35

کمیٹی میں اپوزیشن کی نمائندگی ہوتی تو وفد کی آواز پاکستان کی آواز بن ..

اسلام آباد ( اردوپوائنٹ اخبار تازہ ترین۔ آئی پی اے ۔ 19 مئی 2025ء ) سیاسی رہنماء مصطفی نواز کھوکھرنے کہا ہے کہ کمیٹی میں اپوزیشن کی نمائندگی ہوتی تو وفد کی آواز پاکستان کی آواز بن کر سامنے آتی، مغربی ممالک میں بھارت کا بیانیہ نہیں چل سکا۔ انہوں نے ہم نیوز کے پروگرام میں گفتگو کرتے ہوئے کہا کہ کمیٹی میں اپوزیشن کی نمائندگی ہوتی تو وفد کی آواز پاکستان کی آواز بن کر سامنے آتی۔

مغربی ممالک میں بھارت کا بیانیہ نہیں چل سکا۔ پی ٹی آئی کی بڑی ناکامی 8فروری الیکشن کے بعد تھی، الیکشن میں پی ٹی آئی کے انتخابی نشانات ک وڈھونڈ کر ووٹ دیا۔ اگلے الیکشن میں فارم 47 کے تحت لے کر چلتے بنیں، لیکن پی ٹی آئی کوئی احتجاج نہیں کرسکی۔ عوام نے اتنا بڑا پی ٹی آئی کو مینڈیٹ دیا۔

(جاری ہے)

موجودہ باہمی چپکلش کی قیمت عوام ادا کررہی ہے۔ ورلڈ بینک کی رپورٹ ہے کہ 46 فیصد پاکستانی خط غربت سے نیچے زندگی گزار رہے ہیں۔

پی ایم ایل این کے رہنماء خرم دستگیرنے کہا کہ پاکستان نے بیک وقت چار محاذوں پر جنگ لڑنی ہے۔ وزیراعظم نے جو کمیٹی تشکیل دی ہے اس کا مینڈیٹ واضح ہے، دنیا کے سامنے بھارت کے اصل چہرے کو عیاں کرنا ہے، بھارت پاکستان میں دہشتگردی کی پشت پناہی کررہا ہے، بھارت پانی کو بطور جنگی ہتھیار استعمال کررہا ہے، دنیا کو بتانا ہے کہ بھارت کیسے پاکستان کو پانی بند کرنے کی دھمکیاں دے رہا ہے، مسئلہ کشمیر کے حل تک خطے میں امن ممکن نہیں۔

پی ٹی آئی کے ایم این اے شیر افضل مروت نے کہا کہ جنگ ابھی ختم ہی نہیں ہوئی آپ نے پھر تفریق شروع کردی ہے، پی ٹی آئی کو بھی کمیٹی میں شامل کرنے سے یکجہتی اور متحد پاکستان کا پیغام جاتا ہے۔ 8فروری کو الیکشن چوری ہوا لیکن 9فروری کو احتجاج کی کال نہ دینا پی ٹی آئی کی ناکامی ہے۔