بھارت میں آپریشن سیندور کے درجنوں ناقد گرفتار

منگل 20 مئی 2025 14:37

گوہاٹی (اُردو پوائنٹ اخبارتازہ ترین - اے پی پی۔ 20 مئی2025ء) بھارتی حکومت نے پاکستان کے ساتھ حالیہ جنگ میں ناکامی کے بعداختلاف رائے رکھنے والوں خاص طورسے مسلمانوں کے خلاف کریک ڈائون تیز کردیاہے۔کشمیر میڈیا سروس کے مطابق ریاست آسام میں مزید 3افراد کو مبینہ طور پر "ملک دشمن" سرگرمیوں میں ملوث ہونے کے الزام میں گرفتار کیا گیا ہے، جس سے ان الزامات کے تحت گرفتار کئے گئے افراد کی مجموعی تعداد 71ہو گئی ہے۔

وزیر اعلی آسام ہمانتا بسوا سرما نے ایکس پر ایک پوسٹ میں کہا ہے کہ کوکراجھار، گولپارہ اور جنوبی سلمارااورمانکاچار اضلاع سے ایک ایک شخص کو گرفتار کیا گیا ہے۔انہوں نے مجموعی طورپر71افراد کی ملک دشمن سرگرمیوںمیں ملوث ہونے پر گرفتار ی کی تصدیق کی۔اس سے قبل، حزب اختلاف کے آل انڈیا یونائیٹڈ ڈیموکریٹک فرنٹ سے تعلق رکھنے والے ایم ایل اے امین الاسلام کو مبینہ طور پر پاکستان کا "دفاع" کرنے کے الزام میں بغاوت کے الزام میں گرفتار کیا گیا تھا۔

(جاری ہے)

عدالت سے ضمانت ملنے کے بعد انہیں نیشنل سیکورٹی ایکٹ کے تحت حراست میں لیا گیا تھا۔وزیراعلیٰ نے 2مئی کو گزشتہ ماہ پہلگام فالس فلیگ آپریشن کے بعد پاکستان زندہ باد کے نعرے لگانے والے لوگوں کے خلاف سخت کارروائی کی دھمکی دی تھی۔کے ایم ایس کے مطابق گزشتہ دو ہفتوں کے دوران جاسوسی کے الزامات کے تحت پنجاب، ہریانہ اور اتر پردیش سے یوٹیوبرز سمیت کم از کم 12 افراد کو گرفتار کیا گیا ہے۔

پولیس کے مطابق گرفتار کئے گئے 6کاتعلق پنجاب ، 5کا ہریانہ اور ایک کا اتر پردیش سے ہے۔ ان تمام افراد کو پاکستان کے خلاف بھارت کے ناکام آپریشن سندور کے تناظر میں گرفتار کیاگیا ہے ۔گرفتار ہونے والوں میں دو خواتین بھی شامل ہیں ۔ہریانہ کی یوٹیوبر جیوتی ملہوتراجن کے یوٹیوب چینل اور انسٹاگرام اکائونٹس کے بالترتیب 3لاکھ77ہزار سبسکرائبرز اور ایک لاکھ 33ہزارفالورز ہیں جبکہ گرفتار کی گئی دوسری خاتون غزالہ کا تعلق پنجاب سے ہے ۔

Facebook Twitter Google + Share on Whatsapp

بھارت میں آپریشن سیندور کے درجنوں ناقد گرفتار

متعلقہ عنوان :

مزید بین الاقوامی خبریں