Live Updates

عمران خان کی رہائی سے متعلق ہم مایوس نہیں وہ جلد رہا ہوجائیں گے

اللہ تعالٰی نے پوری قوم کو معرکہ حق کی بڑی فتح سے نوازا ہے، اب عمران خان کی رہائی کا کوئی نہ کوئی طریقہ نکالنا پڑے گا۔ چیئرمین پی ٹی آئی بیرسٹر گوہر خان

ثنااللہ ناگرہ منگل 20 مئی 2025 19:46

عمران خان کی رہائی سے متعلق ہم مایوس نہیں وہ جلد رہا ہوجائیں گے

اسلام آباد ( اردوپوائنٹ اخبار تازہ ترین۔ آئی پی اے ۔ 20 مئی 2025ء ) چیئرمین پی ٹی آئی بیرسٹر گوہر علی خان نے کہا ہے کہ عمران خان کی رہائی سے متعلق ہم مایوس نہیں وہ جلد رہا ہوجائیں گے۔ انہوں نے اڈیالہ جیل کے باہر صحافیوں سے گفتگو کرتے ہوئے کہا کہ للہ تعالٰی نے پوری قوم کو معرکہ حق کی بڑی فتح سے نوازا ہے، اب عمران خان کی رہائی کا کوئی نہ کوئی طریقہ نکالنا پڑے گا۔

عمران خان ناحق قید ہیں ہم ان کی رہائی سے متعلق ہم مایوس نہیں وہ جلد رہا ہوجائیں گے۔ ان ہاؤس تبدیلی کا کوئی فیصلہ نہیں کیا اور نہ ہی ان ہاؤس تبدیلی ہمارے کارڈز پر ہے۔دوسری جانب وزیر اطلاعات و ثقافت پنجاب عظمیٰ بخاری نے کہا ہے کہ پی ٹی آئی اگر عدم اعتماد لانے کا شوق پورا کرنا چاہتی ہے تو کر لے، لیکن اس کوشش سے اسے ناکامی کے سوا کچھ حاصل نہیں ہوگا،پی ٹی آئی اپنے سوشل میڈیا ٹائیگرز کو مطمئن کرنے کے لیے صرف خان کے باہر آنے کی تاریخیں دیتی رہتی ہے۔

(جاری ہے)

یہ بات انہوں نے ڈی جی پی آر میں ایک اہم پریس کانفرنس کے دوران کہی۔فیصل واوڈا کے بارے میں انہوں نے کہا کہ کوئی بھی انہیں سنجیدگی سے نہیں لیتا، جبکہ نجم سیٹھی کی ''چڑیا'' اب عمر رسیدہ ہو چکی ہے اور اس کا ذہنی توازن بھی بگڑ چکا ہے۔ پنجاب حکومت کے اقدامات کا ذکر کرتے ہوئے عظمیٰ بخاری نے کہا کہ حکومت نے پہلی بار اپنے ایم پی ایز کی رہائشی یا کاروباری جگہوں پر قائم تجاوزات کا خاتمہ کیا ہے۔

انہوں نے مزید کہا کہ مریم نواز کا آسان کاروبار منصوبہ ایک گیم چینجر ہے، جس کے تحت 57 ہزار نئے کاروباروں نے ترقی کا نیا دروازہ کھولا ہے۔ ان کا یہ بھی کہنا تھا کہ تمام بڑے بازاروں میں گاڑیوں کا داخلہ بند کر دیا گیا ہے اور ہر بازار کے باہر الیکٹرک کارٹس کی سہولت فراہم کی جائے گی۔ انہوں نے کہا کہ وزیراعلیٰ پنجاب مریم نواز کی قیادت میں پنجاب عوامی فلاح و بہبود کے منصوبوں میں سب سے آگے ہے۔