Live Updates

ناک آؤٹ مرحلہ، بڑا میچ، پریشر ہوگامگر لیں گے نہیں، آصف علی

سلیکٹرز کو اگر ضرورت ہوتی تو بلا لیتے، میرا خیال ہے انہیں ضرورت نہیں ہے‘لاہور میں میڈیا سے گفتگو

بدھ 21 مئی 2025 12:12

ناک آؤٹ مرحلہ، بڑا میچ، پریشر ہوگامگر لیں گے نہیں، آصف علی

لاہور(اُردو پوائنٹ اخبارتازہ ترین - این این آئی۔ 21 مئی2025ء)لاہور قلندر کے بیٹر آصف علی نے کہا کہ ناک آؤٹ مرحلے میں بڑا میچ ہے، جس کا پریشر ہوگا، سارے پروفیشنل کھلاڑی ہیں، میرا نہیں خیال کہ پریشر لیں گے۔لاہور میں میڈیا سے گفتگو میں آصف علی نے کہا کہ جیسا کمبی نیشن بنا ہے امید ہے اچھی کرکٹ ہوگی، اگر آپ میچ ہارے ہیں تو غلطیوں پر پلان کرتے ہیں، اس پر کام کیا ہے۔

انہوں نے کہا کہ پچھلے میچز میں بیٹنگ نہیں آرہی تھی، ٹیم کا کمبی نیشن بنا ئے، امید ہے اسی کمبی نیشن سے جائیں گے، کرکٹ کھیل رہا ہوں کم بیک کا نہیں سوچا، اور نہ ہی گول ہے۔لاہور قلندرز کے بیٹر نے مزید کہا کہ ناک آؤٹ اسٹیج ہے اس میں پریشر ہوتا ہے، سلیکٹرز کو اگر ضرورت ہوتی تو بلا لیتے، میرا خیال ہے انہیں ضرورت نہیں ہے۔

(جاری ہے)

اُن کا کہنا تھا کہ ہر کھلاڑی کا گول ہوتا ہے، میرا فوکس آگے آنے والی کرکٹ پر ہے، اگر پاکستان کو یا سلیکٹرز کو میری ضرورت ہوتی ہے تو حاضر ہوں۔

آصف علی نے یہ بھی کہا کہ سیم بلنگز پرفارم کر رہا تھا، جب اس طرح کا کھلاڑی جاتا ہے تو کمبی نیشن پر فرق پڑتا ہے، عاجزی میں رہتا ہوں، اس دن سیلیبریشن موقع پر کر دی تھی۔انہوں نے کہا کہ اسلام آباد یونائیٹڈ میں 8 سال کھیلا ہوں، خود ہی کھلاڑی تھا اور مینجمنٹ بھی، ڈیبیو شاہین کے ساتھ ہوا، ثمین بھائی نے بولا ہے کہ یہ آپ کی ٹیم ہے، شاہین آفریدی میں بہت تبدیلی آئی ہے کھلاڑیوں کو ساتھ لے کر چلتا ہے۔لاہور قلندرز کے بیٹر نے کہا کہ لاہور میں پہلے میچز میں موسم اتنا گرم نہیں تھا، پچ اگر ویسی رہی تو اچھی کرکٹ دیکھنے کو ملے گی۔