Live Updates

وزیراعظم کی ہدایت پروزیرریلوے حنیف عباسی کا عید کے موقع پر5 اسپیشل ٹرینیں چلانے کا فیصلہ‘ شیڈول جاری

بدھ 21 مئی 2025 20:28

اسلام آباد(اُردو پوائنٹ اخبارتازہ ترین - آن لائن۔ 21 مئی2025ء)وزیراعظم کی ہدایت پر وزیرریلوے حنیف عباسی نے عید کے موقع پر 5 اسپیشل ٹرینیں چلانے کا فیصلہ کیا ہے جس کا شیڈول جاری کردیاگیا ہے۔پہلی عید اسپیشل ٹرین کراچی سے لاہور 2 جون، دوپہر 1 بجے روانہ ہوگی۔ دوسری عید اسپیشل ٹرین،3 جون، صبح 10 بجیکوئٹہ سے پشاور جائے گی۔تیسری ٹرین لاہور سے کراچی کے لیے 3 جون، شام 5 بجے چلائی جائے گی۔

(جاری ہے)

کراچی سے راولپنڈی چوتھی عید اسپیشل ٹرین، 3 جون، رات 8 بجے روانہ ہوگی۔پانچویں اور آخری عید اسپیشل ٹرین کراچی سے لاہور، 4 جون، رات 8 بجے روانہ ہوگی۔ ان اسپیشل ٹرینوں کا مقصد مسافروں کو بروقت، آرام دہ اور معیاری سفری سہولیات فراہم کرنا ہے، ترجمان پاکستان ریلوے کے مطابق پاکستان ریلوے کی اولین ترجیح ہے کہ مسافرعید کے موقع پر اپنے پیاروں کے ساتھ خوشیاں منا سکیں۔