آئی ایم ایف نے تنخواہ دار طبقے کو ریلیف حکومتی اخراجات میں کمی سے مشروط کردیا

مالیاتی بل پارلیمنٹ میں پیش کرنے سے پہلے آئی ایم ایف کی تمام شرائط مکمل طور پر پوری کی جائیں گی،حکومتی ذرائع

جمعہ 23 مئی 2025 15:13

اسلام آباد(اُردو پوائنٹ اخبارتازہ ترین - این این آئی۔ 23 مئی2025ء)آئی ایم ایف نے تنخواہ دار طبقے کو ریلیف حکومتی اخراجات میں کمی سے مشروط کردیا۔ ذرائع کے مطابق عالمی مالیاتی ادارے نے برآمدی شعبے کو ممکنہ ریلیف پیکیجز پر بھی اعتراضات اٹھائے جبکہ صوبوں سے اخراجات میں کمی اور آمدن میں اضافے کا مطالبہ کیا گیا۔

(جاری ہے)

ذرائع کے مطابق دفاعی بجٹ کو ملکی ضروریات کے مطابق بڑھایا جائے گا، تاہم دیگر شعبوں میں کٹوتیوں پر غور جاری ہے۔

تنخواہوں اور پنشن میں اضافے کے امکانات بھی نہایت محدود اور برائے نام رہیں گے۔ذرائع کے مطابق آئی ایم ایف مشن نے پاکستان کا حالیہ دورہ مکمل کرلیا تاہم ورچوئل مذاکرات کا سلسلہ جاری رہے گا۔ حکومتی ذرائع نے بتایاکہ مالیاتی بل 26-2025 کو پارلیمنٹ میں پیش کرنے سے پہلے آئی ایم ایف کی تمام شرائط مکمل طور پر پوری کی جائیں گی۔