نائب وزیراعظم اسحاق ڈار کی غیر ملکی دارالحکومتوں میں پاکستان کا موقف پیش کرنے کے لیے نامزد اعلیٰ سطحی وفود کے ارکان سے ملاقات

جمعہ 23 مئی 2025 21:30

اسلام آباد (اُردو پوائنٹ اخبارتازہ ترین - اے پی پی۔ 23 مئی2025ء) نائب وزیراعظم اور وزیر خارجہ سینیٹر محمد اسحاق ڈار نے غیر ملکی دارالحکومتوں میں پاکستان کا موقف پیش کرنے کے لیے نامزد اعلیٰ سطحی وفود کے ارکان سے جمعہ کو یہاں ملاقات کی۔

(جاری ہے)

دفتر خارجہ کی جانب سے جاری بیان کے مطابق نائب وزیراعظم نے پاکستان کی سفارتی ترجیحات کا خاکہ پیش کیا اور امید ظاہر کی کہ وفد موثر طریقے سے پاکستان کے نقطہ نظر کو اجاگر کرے گا اور بیرون ملک پاکستان کے امن کے پیغام کو فروغ دے گا۔