میری نسوں میں خون نہیں گرم سندور بہتا ہے، مودی کا بیان اس کے گلے پڑ گیا

مودی سندور کا سوداگر ہے جو خود سندور کا مان نہ رکھ سکا وہ اس کی قیمت کیا جانے، بھارتی خواتین سیخ پا

اتوار 25 مئی 2025 18:05

میری نسوں میں خون نہیں گرم سندور بہتا ہے، مودی کا بیان اس کے گلے پڑ گیا

نئی دہلی (اُردو پوائنٹ اخبارتازہ ترین - آن لائن۔ 25 مئی2025ء)مودی کی غیر سنجیدہ بیان بازی پر بھارتی عوام برہم ہوگئے۔ میری نسوں میں خون نہیں گرم سندور بہتا ہے، مودی کا بیان اس کے اپنے ہی گلے پڑ گیا۔

(جاری ہے)

بھارتی عوام نے مودی کو غیر سنجیدہ بیان بازی پر آڑے ہاتھوں لے لیا،بھارتی خواتین سیخ پا، مودی کے بیان پر ان کا کہنا تھا کہ؛مودی سندور کا سوداگر ہے جو خود سندور کا مان نہ رکھ سکا وہ اس کی قیمت کیا جانے، بھارتی عوام کا کہنا ہے کہ آپریشن سندور نام رکھ دینے سے آپ سچائی نہیں چھپا سکتے، پہلگام میں بیوہ ہونے والیوں کا اب تک مداوا کیوں نہیں کیا گیا، بھارتی عوام نے کہا کہ بھاری فوج کی موجودگی میں دہشتگرد کاروائی کر کے چلے گئے وہ اب تک کیوں نہیں پکڑے گئے، ٹرمپ کے کہنے پر سیز فائر کیوں کیا، آپ کس بات کے وزیراعظم ہیں، بھارتی عوام حملے کے بعد آپ پہلگام کیوں نہیں گئے، مودی لوگوں کو گمراہ کر رہے ہیں، صرف گودی میڈیا ہی مودی کے گن گا رہا ہے، اصلیت عوام سے پوچھیں، بھارتی عوام کا کہنا ہے کہ پہلگام متاثرین کی دادرسی کے بجائے مودی بہار میں الیکشن کمپین چلا رہے ہیں۔