Live Updates

پاکستان کیلئے بھی کبھی ٹرافی جیتیں!‘، شاہین آفریدی کی تصویر پر مداح کا تبصرہ

ویل ڈن، ڈومیسٹک ایونٹ میں فتح بین الاقوامی سطح پر آپ کی کمی کو نہیں چھپا سکتی ، شائقین کے مختلف تبصرے

ذیشان مہتاب بدھ 28 مئی 2025 13:35

پاکستان کیلئے بھی کبھی ٹرافی جیتیں!‘، شاہین آفریدی کی تصویر پر مداح ..

لاہور(اُردو پوائنٹ اخبارتازہ ترین۔ 28 مئی2025ء) شاہین آفریدی نے پی ایس ایل 10 ٹرافی جیتنے کے بعد اگلے دن اپنی ایک تصویر پوسٹ کی جس پر کئی شائقین کی جانب سے تبصرے وائرل ہوگئے۔

اتوار کو لاہور قلندرز نے سنسنسی خیز مقابلے کے بعد کوئٹہ گلیڈی ایٹرز کے خلاف فتح حاصل کی تھی، جس سے نہ صرف گرائونڈ میں موجود شائقین لطف اندوز ہوئے بلکہ ٹی وی پر میچ دیکھنے والے ناظرین نے بھی میچ کو بہت انجوائے کیا کہ واقعی ایک فائنل میچ ایسا ہی ہونا چاہیے۔

لاہور قلندرز فاتح کپتان شاہین شاہ آفریدی نے سوشل میڈیا پلیٹ فارم ایکس پر ایک تصویر پوسٹ کی ہے جس میں وہ تینوں پی ایس ایل ٹرافیز کے ساتھ موجود ہیں، تصویر کے کیپشن میں انھوں نے لکھا ’صبح بخیر۔‘

ان کی اس تصویر پر بہت سارے مداحوں نے انھیں پی ایس ایل کی تیسری ٹرافی جیتنے پر مبارکباد دی اور ان کی ٹیم کی پرفارمنس کو سراہتے نظر آئے۔

(جاری ہے)

تاہم بہت سارے شائقین ایسے بھی تھے جو تنقید کرتے بھی نظر آئے، ایک صارف نے لکھا کہ پاکستان کیلیے بھی ٹرافیز جیت لیں کبھی۔

ایک اور صارف نے لکھا کہ اصل مقصد پاکستان سپر لیگ کا ٹائٹل جیتنا نہیں، آئی سی سی ایونٹس میں تو فتوحات شروع سے ہی عنقا ہیں، ڈومیسٹک ایونٹ میں فتح بین الاقوامی سطح پر آپ کی کمی کو نہیں چھپا سکتی۔

خیال رہے کہ شاہین شاہ آفریدی کی کپتانی میں لاہور نے پی ایس ایل کا تیسرا ٹائٹل جیتا ہے، پاکستان سپر لیگ کے دسویں ایڈیشن میں لاہور قلندرز نے 202 رنز کا ہدف 20ویں اوور میں چار وکٹوں کے نقصان پر حاصل کیا۔