Live Updates

یوم تکبیر دشمن کی صفوں میں خوف کی علامت ہے، بلال یاسین

بدھ 28 مئی 2025 19:50

لاہور (اُردو پوائنٹ اخبارتازہ ترین - اے پی پی۔ 28 مئی2025ء) صوبای وزیر ہاؤسنگ اینڈ اربن ڈویلپمنٹ بلال یاسین نے کہا ہے کہ 28 مئی کو پاکستان کی تاریخ میں حقیقی فتح کے دن کی نسبت سے یاد رکھا جاتا ہے۔

(جاری ہے)

یوم تکبیر پر جاری پیغام میں انہوں نے کہا کہ یہ دن دشمن کی صفوں میں خوف کی علامت ہے، پاکستانی سائنسدانوں اور سیاسی قیادت نے خطے میں طاقت کے توازن کو برقرار رکھا، عالمی قوتوں کے دباؤ کے باوجود سابق وزیراعظم محمد نواز شریف نے ملکی وقار پر سمجھوتہ نہ کیا، پاکستان مسلم لیگ ن کی قیادت نے ہمیشہ ملکی دفاع کو مقدم جانا ہے، 10 مئی کو بھارتی حملے کا بھرپور جواب ہماری دفاعی حکمت عملی کا منہ بولتا ثبوت ہے۔ انہوں نے کہا کہ پاکستان کا دفاع ناقابل تسخیر اور محفوظ ہاتھوں میں ہے۔