ت*قومی پولیو مہم‘ 2 روز میں ملک بھر کے 56 فیصد بچوں کی ویکسینیشن مکمل

پنجاب میں 60 فیصد، سندھ میں 47 فیصد، خیبر پختونخوا میں 60 ، بلوچستان میں 53 فیصد بچوں کی ویکسینیشن کی گئی‘این ای اوسی

بدھ 28 مئی 2025 19:50

oاسلام آباد(اُردو پوائنٹ اخبارتازہ ترین - آن لائن۔ 28 مئی2025ء)ملک بھر میں جاری رواں سال کی تیسری قومی پولیو مہم کا آج تیسرا روز ہے۔نیشنل ایمرجنسی آپریشنز سینٹر (این ای او سی) کے مطابق ابتدائی 2 روز کے دوران ملک بھر میں 56 فیصد بچوں کی ویکسینیشن مکمل ہوئی۔ان 2 دنوں میں پنجاب میں 60 فیصد، سندھ میں 47 فیصد، خیبر پختون خوا میں 60 فیصد، بلوچستان میں 53 فیصد بچوں کی ویکسینیشن کی گئی۔

گزشتہ 2 دن میں اسلام آباد میں 46 فیصد، گلگت بلتستان اور آزاد جموں و کشمیر میں 64 فیصد بچوں کو ویکسین دی جا چکی ہے۔

(جاری ہے)

نیشنل ایمرجنسی آپریشنز سینٹر کے مطابق پاکستان اور افغانستان میں یہ پولیو مہم بیک وقت جاری ہے، پولیو وائرس کا سرحد پار پھیلاؤ روکنے کیلئے ہم آہنگ مہمات ضروری ہیں۔این ای او سی کا کہنا ہے کہ والدین سے گزارش ہے کہ پولیو ٹیموں کے ساتھ بھرپور تعاون کریں، پولیو وائرس اب بھی ہمارے ماحول میں ایک سنگین خطرہ بن کر موجود ہے۔نیشنل ایمرجنسی آپریشنز سینٹر کا یہ بھی کہنا ہے کہ 5 سال سے کم عمر بچوں کی ویکسینیشن ہر شہری کی قومی ذمے داری ہے، والدین سے اپیل ہے کہ ہر مہم میں اپنے بچوں کو پولیو کے قطرے لازمی پلائیں۔