Live Updates

پاکستان اور بنگلہ دیش کا دوسراٹی ٹونٹی کرکٹ میچ کل کھیلا جائے گا

میچ پاکستان کے معیاری وقت کے مطابق رات 8 بجے قذافی سٹیڈیم،لاہور میں شروع ہوگا،میچ نائٹ ہوگا

جمعرات 29 مئی 2025 15:07

پاکستان اور بنگلہ دیش کا دوسراٹی ٹونٹی کرکٹ میچ کل کھیلا جائے گا

لاہور(اُردو پوائنٹ اخبارتازہ ترین - این این آئی۔ 29 مئی2025ء)پاکستان اور بنگلہ دیش کی کرکٹ ٹیموں کے درمیان تین بین الاقوامی ٹی ٹونٹی میچوں پر مشتمل سیریز کا دوسرا میچ کل (جمعہ کو)کھیلا جائے گا۔ یہ میچ پاکستان کے معیاری وقت کے مطابق رات 8 بجے قذافی سٹیڈیم،لاہور میں شروع ہوگا،میچ نائٹ ہوگا اور فلڈ لائٹس کی روشنی میں کھیلا جائے گا۔پاکستان کی ٹیم کو مہمان بنگلہ دیش کی ٹیم کے خلاف تین میچوں کی سیریز میں 0-1 کی برتری حاصل ہے۔

میزبان پاکستان کی ٹیم نے پہلے ٹی ٹونٹی میچ میں بنگلہ دیش کی ٹیم کو 37 رنز سے شکست دی تھی۔ بنگلہ دیش کی ٹیم اپنے دورہ پاکستان کے دوران میزبان ٹیم کے خلاف 3ٹی ٹوٹی بین الاقوامی میچوں کی سیریز کھیلے گی، جس کا پہلا میچ کھیلا جا چکا ہیجو گرین شرٹس نے جیت لیا ہے۔

(جاری ہے)

دونوں ٹیموں کے درمیان 3 ٹی ٹونٹی میچوں کی سیریز کا دوسرا میچ 30مئی کو کھیلا جائے گا۔

بنگلہ دیش کی ٹیم لٹن داس کی قیادت میں میدان میں اترے گی، آل رائونڈر مہدی حسن نائب کپتان ہوں گیجبکہ دیگر اہم کھلاڑیوں میں نجم الحسن شانٹو،پرویز حسین،راشد حسین،سومیا سرکار،شمیم حسین،حسن محمود،شرفل الاسلام اورتنویر اسلام شامل ہیں۔پاکستان کی ٹیم کو سلمان علی آغا لیڈ کریں گیجبکہ دیگر اہم کھلاڑیوں میں فخر زمان،صائم ایوب،حسن نواز،عرفان خان،محمد حارث،فہیم اشرف،خوشدل شاہ،حسین طلعت،شاداب خان،ابرا احمد،حسن علی، محمد وسیم، نسیم شاہ اور حارث رئوف شامل ہیں۔

دونوں ٹیموں کے درمیان تیسرا اور آخری ٹی ٹونٹی میچ یکم جون کو کھیلا جائے گا۔ ٹی ٹونٹی میچز کی سیریز کے تمام تین میچ لاہور کے قذافی سٹیڈیم میں کھیلے جائیں گے،تینوں میچ نائٹ ہوں گے اور فلڈ لائٹس کی روشنی میں کھیلے جائیں گے۔