Live Updates

پی ایس ایل چھوڑنے والے مینڈس آئی پی ایل میں ڈراؤنا خواب بن گئے، اپنی ہی ٹیم کو فائنل سے باہر کروادیا

اتوار 1 جون 2025 12:05

نئی دہلی(اُردو پوائنٹ اخبارتازہ ترین - این این آئی۔ 01 جون2025ء)پیسوں کی خاطر پاکستان سپر لیگ (پی ایس ایل) کا 10واں ایڈیشن ادھورا چھوڑ جانیوالے سری لنکن کرکٹر نے اپنی ٹیم گجرات ٹائٹنز کو ایلیمیٹر میں کیچز چھوڑ فائنل کی دوڑ سے باہر کروادیا۔پاک بھارت کشیدگی کے باعث پی ایس ایل میں واپس لوٹنے سے انکار کرکے انڈین پریمئیر لیگ (آئی پی ایل) میں گجرات ٹائٹنز کو جوائن کرنیوالے کوشل مینڈس کیلئے لیگ ڈراؤنا خواب بن کر رہ گئی۔

(جاری ہے)

مینڈس گجرات ٹائٹنز میں انگلش کرکٹر جوز بٹلر کے متبادل کے طور پر اسکواڈ میں شامل ہوئے تھے تاہم پہلے ہی میچ میں انکی ناقص کارکردگی نے ٹیم کو فائنل سے ہی باہر کروادیا۔گزشتہ روز ممبئی انڈینز کے خلاف کھیلے گئے میچ میں کوشل مینڈس نے پہلے فیلڈنگ کے دوران روہت شرما کا کیچ ڈراپ کیا، جنہوں نے 81 رنز کی اننگز کھیل ڈالی بعدازاں سوریا کمار یادیو کے آسان کیچ کا موقع بھی ضائع کیا، جس نے میچ کا رخ تبدیل کردیا۔بیٹنگ کے دوران کیچز کا ازالہ کرنے کے بجائے مینڈس مچل سینٹنر کی گیند کو سوئپ کرنے کی کوشش میں ہٹ وکٹ ہوئے اور یوں گجرات کی ٹیم شکست سے دوچار ہوئی۔واضح رہے کہ پاکستان سپر لیگ (پی ایس ایل) کے 10ویں ایڈیشن میں کوشل مینڈس کوئٹہ گلیڈی ایٹرز کی نمائندگی کررہے تھے۔