Live Updates

مقبوضہ جموں و کشمیر میںمودی کا ریکارڈ منظم جبر پر مبنی ہے،واجد برکی

مودی انسانیت کا دشمن ہے جو اپنے مفادات کے حصول کیلیے خطے کا امن تباہ کر سکتا ہے

جمعرات 29 مئی 2025 16:47

لندن(اُردو پوائنٹ اخبارتازہ ترین - این این آئی۔ 29 مئی2025ء)سابق پالیمنٹری امیدوار آف سوٹن کولڈ فیلڈ برطانیہ واجد برکی نے بھارتی وزیراعظم نریندرمودی کی گجرات میں کی گئی ’اشتعال انگیز تقریر‘ کی شدید مذمت کی ہے۔اپنے جاری کردہ مذمتی بیان میں واجد برکی نے کہا کہ جنگی جنون انتخابی مہم میں تالیاں تو بجوا سکتا ہے، لیکن یہ طویل المدتی امن اور استحکام کے لیے نقصان دہ ہے۔

بھارت غیر ملکی عوام اور علاقوں پر قابض ہے، مقبوضہ جموں و کشمیر میں اس کا ریکارڈ منظم جبر پر مبنی ہے، یہ انتہائی ستم ظریفی ہے کہ اب ایسا ملک خود کو مظلوم ظاہر کرنے کی کوشش کر رہا ہے۔انھوں نے مزید کہا کہ نریندر مودی کی پانی کو ہتھیار بنانے کی دھمکی عالمی اصولوں کے خلاف ہے، بھارت کی حرکات اس کے عالمی دعووں کے برعکس ہیں۔

(جاری ہے)

ان کا مزید کہنا تھا کہ ظالم نریندر مودی انسانیت کا قاتل بن چکا ہے مقبوضہ جموں وکشمیر میں سفاکیت کی انتہاء ہو چکی عالمی ضمیر مردہ چکا ہے بھارتی وزیراعظم نریندر مودی انسانیت کا دشمن ہے جو اپنے مفادات کے حصول کیلیے خطے کا امن تباہ کر سکتا ہے۔

انھوں نے کہا کہ یورپی یونین پُرامن معاشرے کو جنونی نریندر مودی کے جنگی عزائم کے بارے میں آگاہ کر کے جنگی جرائم کا مجرم قرار دلوایا جائے تاکہ جنوبی ایشیاء میں ترقی اور خوشحالی کا عمل شروع ہو سکے۔انھوں نے دنیا بھر کے ممالک کے سفیروں،سٹی مئیرز، میڈیا ہاؤسز اور انسانی حقوق کی عالمی تنظیموں کو بھارتی وزیراعظم نریندرمودی اور بھارت کا مکروہ چہرہ دکھانے، آبی جارحیت اور مودی سرکار کے کالے کرتوتوں کو منظرِ عام پر لانے کی مہم شروع کرنے کی بھرپور اپیل کی ہے۔