Live Updates

پارلیمنٹ کا 18 سال سے کم عمر شادی کو غیر قانونی قرار دینے کا بل غیر شرعی ہے

اسلامی نظریاتی کونسل نے بھی اس قانون کو مسترد کیا ہے، آئین پاکستان قرآن و سنت کے متصادم قانون سازی کی اجازت نہیں دیتا۔ قانون کو ہر پلیٹ فارم پر چیلنج کریں گے۔ ترجمان جےیوآئی ف اسلم غوری کا ردعمل

ثنااللہ ناگرہ جمعہ 30 مئی 2025 22:34

پارلیمنٹ کا 18 سال سے کم عمر شادی کو غیر قانونی قرار دینے کا بل غیر شرعی ..

اسلام آباد ( اردوپوائنٹ اخبار تازہ ترین۔ آئی پی اے ۔ 30 مئی 2025ء ) ترجمان جےیوآئی ف اسلم غوری کا کہنا ہے کہ پارلیمنٹ کا 18 سال سے کم عمر شادی کو غیر قانونی قرار دینے کا بل غیر شرعی ہے۔ میڈیا سیل جے یو آئی پاکستان کے مطابق ترجمان جےیوآئی ف اسلم غوری کا کہنا ہے کہ پارلیمنٹ کا اٹھارہ سال سے کم عمر شادی کو غیر قانونی قرار دینے کا بل غیر شرعی ہے۔

اسلامی نظریاتی کونسل نے بھی اس قانون سازی کو مسترد کیا ہے۔ اسلم غوری نے کہا کہ صدر نے خلاف شریعت بل کو منظور کرنے میں جلد بازی کا مظاہرہ کیا ہے۔ جلد بازی سے حکمرانوں کی نیتوں پر شکوک و شبہات کو تقویت ملے گی۔ قانون قرآن و سنت سے متصادم ہے۔ اسلم غوری نے کہا کہ آئین پاکستان قرآن و سنت کے متصادم قانون سازی کی اجازت نہیں دیتا۔

(جاری ہے)

قانون کو ہر پلیٹ فارم پر چیلنج کریں گے۔

یاد رہے صدر مملکت آصف علی زرداری نے 18 سال سے کم عمرکی شادی کی ممانعت کے بل پر دستخط کر دئیے،قانون کے مطابق نکاح خواں کوئی ایسا نکاح نہیں پڑھائے گا جہاں ایک یا دونوں فریق 18 سال سے کم عمر ہوں، خلاف ورزی کرنے پر نکاح خواں کو ایک سال قید اور ایک لاکھ روپے جرمانہ ہو سکتا ہے، نکاح یا رجسٹریشن سے قبل نکاں خواں دونوں فریقین کے شناختی کارڈز کی موجودگی کو یقینی بنائے گا، کوائف کے بغیر نکاح پڑھانے اور رجسٹریشن پر1 سال قید، 1 لاکھ جرمانہ یا دونوں سزائیں ہوں گی۔

18 سال سے بڑی عمر کا مرد اگر کم عمر لڑکی سے شادی کرتا ہے تو اسے 3 سال تک قید بامشقت ہو گی۔ بچوں کی شادی کی ممانعت کا بل قومی اسمبلی میں شرمیلا فاروقی نے پیش کیا تھا جبکہ سینیٹ میں یہ بل شیری رحمان نے پیش کیا تھا۔قانون میں کہا گیا ہے کہ عدالت کو علم ہو کہ کم عمر بچوں کی شادی کی جا رہی ہے تو وہ ایسی شادی کو روکنے کیلئے حکم جاری کرے گی۔ عدالت کو اطلاع دینے والا فریق اپنی شناخت چھپانا چاہے تو عدالت اسے تحفظ دیگی۔ خیال رہے کہ اس سے قبل سینیٹ نے اسلام آباد میں کم عمر بچوں کی شادی کی ممانعت کا بل منظور کرلیا تھا ۔