Live Updates

ملٹری اکیڈمی میں شہبازشریف نے جو تقریر کی وہ نہایت کمزور تھی

فاشسٹ مودی کا مقابلہ کمزور تقریر سے نہیں کیا جاسکتا، شہبازشریف کو 8 مئی کو جوابی حملہ کردینا چاہیئے تھا، پی ٹی آئی فرنٹ پر متحدرہی، جن کو ڈیجیٹل دہشتگرد کہا گیا وہ سب سے آگے تھے۔ اپوزیشن لیڈرقومی اسمبلی عمرایوب خان

ثنااللہ ناگرہ منگل 3 جون 2025 21:17

ملٹری اکیڈمی میں شہبازشریف نے جو تقریر کی وہ نہایت کمزور تھی

اسلام آباد ( اردوپوائنٹ اخبار تازہ ترین۔ آئی پی اے ۔ 03 جون 2025ء ) اپوزیشن لیڈرقومی اسمبلی عمرایوب خان نے کہا ہے کہ ملٹری اکیڈمی میں شہبازشریف نے جو تقریر کی وہ نہایت کمزور تھی،فاشسٹ مودی کا مقابلہ کمزور تقریر سے نہیں کیا جاسکتا، شہبازشریف کو 8 مئی کو جوابی حملہ کردینا چاہیئے تھا۔ انہوں نے جیونیوز کے پروگرام میں گفتگو کرتے ہوئے کہا کہ 7 مئی سے ایک روز قبل ہم اڈیالہ جیل میں بانی سے ملاقات کرنے کیلئے موجود تھے، بڑی مشکل سے بانی کی دونوں بہنوں کو ملاقات کی اجازت ملی۔

ہم انتظار کررہے تھے تو پولیس نے ہمارے ارکان اسمبلی پر تشدد کیا۔ بانی پی ٹی آئی نے پہلے ہی کہا تھا جب پہلگام حملہ ہوا تو بانی نے کہا کہ ہم اس مسئلے پر متحد ہوں گے۔جن لوگوں کو ڈیجیٹل دہشتگرد کہا گیا وہ سب سے آگے تھے، پی ٹی آئی بھی صف اول میں کھڑی تھی۔

(جاری ہے)

پلوامہ کا جب حملہ ہوا تھا تو عمران خان نے کہا تھا کہ مودی ایک فاشسٹ ہے، عمران خان نے کہا تھا کہ پہلے حملہ کروں گا جبکہ بعد میں سوچوں گا۔

اب جب پہلگام واقعہ ہوا تو میں نے بطور اپوزیشن لیڈر کہا تھا کہ وزیراعظم شہبازشریف پہل کریں اور ہندوستان کو جواب دیں۔ 2022-23 کی رپورٹ ہے جس کے تحت پاکستان میں لائیواسٹاک میں اضافہ ہوا ہے، مال مویشی اور گدھوں کی تعداد میں اضافہ ہوا ہے، جبکہ زراعت کی بات نہیں کی جاتی۔ انہوں نے کہا کہ مجھ سمیت پی ٹی آئی کے کئی لوگوں کے نام ای سی ایل میں ڈالے ہوئے ہیں، بیرون ملک اپنے لوگوں کو متحرک کریں گے۔

ایوب خان نے کہا کہ 1965کی جنگ میں ہندوستان کی 75فیصد تباہی ایئرفورس اور آرٹلری نے کی تھی، ملٹری اکیڈمی میں شہبازشریف کی تقریر نہایت کمزور تقریر تھی، فاشسٹ مودی کا مقابلہ کمزوری سے نہیں کیا جاسکتا، میں چاہتا ہوں کہ ہماری مسلح افواج ہمیشہ مضبوط ہو، جدید ہتھیاروں میں ہمیں انویسٹمنٹ کرنی ہوگی، بطور وزیراعظم ٹریگرشہبازشریف نے دبانا تھا، شہبازشریف کو 8 تاریخ کو جوابی حملہ کردینا چاہیئے تھا۔