Live Updates

ماحولیاتی انحطاط بقائے حیات کے لیے سنگین خطرہ ہے، ماحول دوست رویے اپنانے اور جامع منصوبہ بندی پر سختی سے عمل پیرا ہونے کی ضرورت ہے، گورنر خیبر پختونخوا فیصل کریم کنڈی کا عالمی ماحولیاتی کانفرنس سے خطاب

بدھ 4 جون 2025 22:00

اسلام آباد (اُردو پوائنٹ اخبارتازہ ترین - اے پی پی۔ 04 جون2025ء) گورنر خیبر پختونخوا فیصل کریم کنڈی نے کہا ہے کہ ماحولیاتی انحطاط بقائے حیات کے لیے سنگین خطرہ ہے، کرہ ارض پر موسمی تغیرات کی وجہ سے رونما ہونے والی تبدیلیاں قدرتی آفات کی صورت میں وسیع پیمانے پر جانی اور مالی نقصانات کا باعث بن رہی ہیں جن سے بچائو کے لیے ماحول دوست رویے اپنانے اور جامع منصوبہ بندی پر سختی سے عمل پیرا ہونے کی ضرورت ہے۔

گورنر آفس سے جاری بیان کے مطابق ان خیالات کا اظہار انہوں نے بدھ کوعالمی یوم ماحولیات کے موقع پر برین ڈیزائنر اور گلوبل ٹریڈ اینڈ ٹورا زم سینٹر کے زیر اہتمام اسلام آباد میں عالمی ماحولیاتی کانفرنس سے بحیثیت مہمان خصوصی خطاب کرتے ہوئے کیا۔ کانفرنس میں پاکستان میں غیر ملکی سفیروں، ماحولیاتی ماہرین، کارپوریٹ سیکٹر و مختلف شعبہ زندگی سے تعلق رکھنے والے افراد اور طلبہ و طالبات نے شرکت کی۔

(جاری ہے)

برین ڈیزائنر اور گلوبل ٹریڈ اینڈ ٹورزم سینٹر کے سربراہ محمد رئوف راجہ نے کانفرنس کے شرکا کا خیرمقدم کیا اور ماحولیاتی آلودگی، کلائمیٹ چینج اور گلوبل وارمنگ سے منعقدہ کانفرس پر روشنی ڈالی۔گورنر خیبر پختونخوا نے کانفرنس سے خطاب کرتے ہوئے کہا کہ موسمی تغیرات کے منفی اثرات سے بچنے کے لیے مشترکہ لائحہ عمل اپنانے کی ضرورت ہے اور اس مقصد کے لیے اہل فکر و دانش اور ماہرین کا ایک پلیٹ فارم پر جمع ہونا بہت ضروری ہے تاکہ باہمی گفت و شنید کے بعد ایسا روڈ میپ مرتب کیا جا سکے جس کو عملی جامہ پہنا کر ماحولیاتی نقصانات میں ممکن حد تک کمی لائی جا سکے۔

کانفرنس سے پاکستان میں یو این ہیبیٹیٹ کے کنٹری ہیڈ جاوید علی خان، سید سادات حسین شاہ اور دیگر ماہرین ماحولیات نے بھی خطاب کیا اور ماحول کو تباہی سے بچانے کیلئے تجاویز پیش کیں۔آخر میں کانفرنس کے شرکا میں شیلڈز بھی تقسیم کی گئیں۔

آپریشن بنیان مرصوص سے متعلق تازہ ترین معلومات

Facebook Twitter Google + Share on Whatsapp

متعلقہ عنوان :

مزید قومی خبریں