Live Updates

ایسے کیسز میں تو مہینے کے اندر سماعت ہو جاتی ہے،عمران خان کو 600 سے زائد روز گزر چکے ہیں ، بیرسٹرگوہر

عدالت کو اب پیش رفت کرنی چاہیے،بانی پی ٹی آئی کے کیسر کو تین اگست کو دو سال پورے ہو جائیں گے انصاف نہ صرف ہو بلکہ ہوتا ہوا نظر آنا چاہیے، چیئرمین پی ٹی آئی کی میڈیا سے گفتگو

فیصل علوی جمعرات 5 جون 2025 13:28

ایسے کیسز میں تو مہینے کے اندر سماعت ہو جاتی ہے،عمران خان کو 600 سے زائد ..

اسلام آباد(اردوپوائنٹ اخبار تازہ ترین۔05 جون 2025)پاکستان تحریک انصاف کے چیئرمین بیرسٹرگوہر نے کہا ہے کہ بانی پی ٹی آئی عمران خان کو 600 سے زائد روز گزر چکے ہیں، ایسے کیسز میں تو مہینے کے اندر سماعت ہو جاتی ہے، کیسز بہت عرصے بعد لگے ہیں اور یہ پہلی بار ہے کہ پراسیکیوشن عدالت کے سامنے پیش ہو رہی ہے،اسلام آباد کی عدالت کے باہر میڈیا سے گفتگو کرتے ہوئے چیئرمین پی ٹی آئی کا کہنا ہے کہ عدالت کو اب پیش رفت کرنی چاہیے۔

بانی پی ٹی آئی کے کیسر کو تین اگست کو دو سال پورے ہو جائیں گے۔ انصاف نہ صرف ہو بلکہ ہوتا ہوا نظر آنا چاہیے۔انہوں نے کہا کہ بانی پی ٹی آئی کے کیسز کا التواءجان بوجھ کر کیا جاتا ہے۔ انہوں نے شکوہ کیا کہ بانی پی ٹی آئی عمران خان کو 17 جنوری کو سزا سنائی گئی اور اب جون آگیا ہے مگر یہ پہلی سماعت ہو رہی ہے۔

(جاری ہے)

انہوں نے کہا کہ 17 جنوری کے بعد اب جون آگیا ہے۔

ابھی تک کیس کی سماعت نہیں ہوئی۔ روٹین میں یہ ایک مہینے کے اندر اندر فیصلہ ہوتا ہے مگر بانی پی ٹی آئی کے کیس میں بلاجواز التواء کیا گیا ہے۔اس موقع پربیرسٹرگوہر نے موازنہ کرتے ہوئے کہا کہ نواز شریف کے پہلے کیس میں 70 دن بعد رہائی ہوئی تھی جبکہ دوسرے کیس میں 91 دن میں فیصلہ آیا تھا لیکن بانی پی ٹی آئی عمران خان کو 600 سے زائد روز گزر چکے ہیں اور ان کے کیس کی سماعت نہیں کی گئی تھی وہ بے بنیاد جیل میں قید ہیں۔

اس موقع پر صحافی نے بیرسٹرگوہر سے مسلم لیگ ن کے سابق رہنماءمحمد زبیر کی پی ٹی آئی میں شمولیت کے حوالے سے سوال کیا جس پر چیئرمین پی ٹی آئی کا کہنا تھا کہ محمدزبیر کی پاکستان تحریک انصاف میں شمولیت سے متعلق پی ٹی آئی کے پیٹرن ان چیف سے مشاورت مکمل کر لی گئی ہے۔اس موقع پر ایک اورصحافی نے پی ٹی آئی کے چیئرمین بیرسٹر گوہر سے سوال کیا کہ کیا سابق گورنر سندھ اور مسلم لیگ ن کے رہنماءمحمد زبیر پاکستان تحریک انصاف میں شامل ہورہے ہیںجس پرجواب دیتے ہوئے بیرسٹر گوہر کاکہنا تھا کہ پاکستان تحریک انصاف ایک سیاسی جماعت ہے ہمارے دروازے سب کیلئے کھلے ہیں ہم سب کو خوش آمدید کہتے ہیں ۔