بھارت کو ہمارے پائلٹس اور ہماری ٹیکنالوجی نے مارا ہے، جنگ میں بھارتی رافیل ایسے گرے جیسے چڑیا گرتی ہیں، مصدق ملک

روایتی جنگ میں بھارت نے ایسی مارکھائی کہ دنیا نے تماشا دیکھا ، بھارت نے پاکستان پرحملہ کرکے دنیا میں اپنی سبکی کرائی، بھارت نے ڈھونگ رچارکھا تھا کہ روایتی جنگ میں ہماراکوئی ثانی نہیں، وفاقی وزیر کی گفتگو

فیصل علوی جمعرات 5 جون 2025 14:35

بھارت کو ہمارے پائلٹس اور ہماری ٹیکنالوجی نے مارا ہے، جنگ میں بھارتی ..

اسلام آباد(اردوپوائنٹ اخبار تازہ ترین۔05 جون 2025)وفاقی وزیر برائے موسمیاتی تبدیلی و ماحولیاتی ہم آہنگی مصدق ملک کاکہنا ہے کہ بھارت کو ہمارے پائلٹس اور ہماری ٹیکنالوجی نے مارا ہے، پاک بھارت جنگ میں بھارتی رافیل ایسے گرے جیسے چڑیا گرتی ہیں، روایتی جنگ میں بھارت نے ایسی مارکھائی کہ دنیا نے تماشا دیکھا، پاکستانی وفدکے ہمراہ دورے پر گئے وفاقی وزیر نے جیو نیوز سے گفتگو کرتے ہوئے کہا کہ بھارت نے پاکستان پرحملہ کرکے دنیا میں اپنی سبکی کرائی۔

پہلگام واقعے کے بعد ہم نے غیرجانبدارانہ تحقیقات کا کہا جس پر بھارت نے کہا جنگ کریں گے۔ جب سے جنگ بندی ہوئی ہے امریکی صدر 9 بار کشمیر کا ذکر کرچکے ہیں۔انہوں نے کہا کہ بھارت نے ڈھونگ رچارکھا تھا کہ روایتی جنگ میں ہماراکوئی ثانی نہیں۔

(جاری ہے)

بھارت ہم سے 7 گنا زیادہ اسلحہ دنیا سے خریدتا ہے۔ دوسری جانب پاکستانی سفارتی مشن کی رکن حنا ربانی کھر کا کہنا ہے کہ بھارت دہشت گردی کو ہتھیار بنانا چاہتا ہے تاہم دنیا پاکستان کو دہشت گردی کے خاتمے کیلئے ایک ذمہ دار ملک کے طور پر دیکھ رہی ہے۔

بھارت دہشت گردی کو ہتھیار بنانا چاہتا ہے جبکہ دنیا پاکستان کو دہشت گردی کے خاتمے کیلئے ایک ذمہ دار ملک کے طور پر دیکھ رہی ہے۔جیو نیوز کے پروگرام میںگفتگو کرتے ہوئے ان کا کہنا تھا کہ بھارت عالمی قانون کو نظر انداز کرنا چاہتا ہے اسی لئے ان کے وفد نے اقوام متحدہ میں مصروفیات ہی نہیں رکھیں۔بھارت نے کینیڈا اور امریکا میں بھی ماورائے عدالت قتل کے بعد معاملہ رفع دفع کرنے کی کوشش کی۔

گفتگو کے دوران رہنماءپیپلزپارٹی حنا ربانی کھر نے مزید کہا کہ کینیڈا نے مودی کو جی سیون سربراہ اجلاس میں مدعو نہیں کیا جس سے یہ پیغام گیا کہ کینیڈا اس رویے کو برداشت نہیں کرے گا۔ پاکستان نے مودی کا ماضی بھلانے کی کوشش کی مگر مودی کا جواب ملا روٹی کھاو، ورنہ میری گولی کھاو۔پاکستانی سفارتی مشن کی رکن حنا ربانی کھر کایہ بھی کہنا تھا کہ بھارت دہشت گردی کو ہتھیار بنانا چاہتا ہے جبکہ دنیا پاکستان کو دہشت گردی کے خاتمے کیلئے ایک ذمہ دار ملک کے طور پر دیکھ رہی ہے۔