Live Updates

ششی تھرور سے انکے صحافی بیٹے کا پہلگام حملے میںپاکستان کے ملوث ہونے سے متعلق سوال

بھارت نے پہلگام میں حملے کو جواز بنا کر’’آپریشن سیندور‘‘کے نام سے پاکستان اورآزاد کشمیر کے شہری علاقوںمیں جارحیت کی تھی

جمعہ 6 جون 2025 20:20

واشنگٹن(اُردو پوائنٹ اخبارتازہ ترین - این این آئی۔ 06 جون2025ء)کانگریس کے رکن پارلیمنٹ ششی تھرورکی قیادت میں بھارت کاکل جماعتی وفد آپریشن سندور کے بعد بھارتی موقف کو واضح کرنے کیلئے واشنگٹن میں ہے۔نیویارک میں ’’کونسل آن فارن ریلیشنز‘‘میں ایک اہم پریس کانفرنس کے دوران اس وقت ایک دلچسپ صورتحال پیدا ہو گئی جب ششی تھرور کے صحافی بیٹے نے پہلگام حملے میں پاکستان کے ملوث ہونے کا ثبوت طلب کرلیا۔

کشمیرمیڈیاسروس کے مطابق ہال میں خارجہ پالیسی کے ماہرین، سفارتکار وں اور صحافیوں سے بھراہوا تھا ۔ ماحول سنجیدہ تھا کیونکہ چند دن پہلے جموں و کشمیر کے پہلگام میں حملے کو جواز بنا کر’’آپریشن سیندور‘‘کے نام سے پاکستان اورآزاد کشمیر کے شہری علاقوںمیں جارحیت کی تھی ۔

(جاری ہے)

سوال کے بعد واشنگٹن پوسٹ میں عالمی امور کے کالم نگارایشان تھرور اور ان کے والد ششی تھرور کے درمیان سوال و جواب کا سلسلہ شروع ہوا۔

واقعے کی ویڈیو سوشل میڈیا پر وائرل ہے۔ایشان نے اپنے والد سے سوال کیا کہ کیا کسی سرکاری مذاکرات کار نے آپ سے پہلگام حملے میں پاکستان کے ملوث ہونے کے ثبوت مانگے ہیں اور پاکستان کی جانب سے بار بار انکار پر آپ کا کیا موقف ہی ششی تھرور نے ہنستے ہوئے جواب دیا: انہیں سوال پوچھنے کی اجازت نہیں دی جانی چاہیے، یہ میرا بیٹا ہی! جس پر ہال میں قہقہے گونجنے لگے۔ششی تھرور نے جواب میں کہاکہ بھارت نے بغیر ثبوت کے یہ کارروائی نہیں کی۔