Live Updates

اسرائیل کا ایران پر حملہ قابل مذمت اور دنیا کے امن کے لئے سخت خطرہ ہے، مرکزی کمیٹی ایم پی پی

اسرائیل دنیا کو تیسری عالمی جنگ کی طرف دھکیل رہا ہے۔ بھارت کے بعد اسرائیل کو بھی عالمی طاقتیں لگام دیں، مزاکرات ہی واحد راستہ ہیں

جمعہ 13 جون 2025 20:15

کراچی (اُردو پوائنٹ اخبارتازہ ترین - این این آئی۔ 13 جون2025ء) ایم پی پی کی مرکزی کمیٹی نے اسرائیل کے ایران پر حملہ کی مذمت کرتے ہوئے کہا ہے کہ اسرائیل دنیا کے امن کے لئے سخت خطرہ ہے۔ اسرائیل دنیا کو تیسری عالمی جنگ کی طرف دھکیل رہا ہے۔ بھارت کے بعد اسرائیل کو بھی عالمی طاقتیں لگام دیں۔ مزاکرات ہی واحد راستہ ہیں۔

(جاری ہے)

فلسطین میں نسل کشی کے بعد ایران میں حملہ عالمی دنیا کا ضمیر جھنجھوڑنے کے لئے کافی ہے۔

اقوام متحدہ اور عالمی عدالت انصاف نوٹس لے۔ او آئی سی کاہنگامی اجلاس طلب کیا جائے۔ جنگیں دنیا کو تباہی کی طرف لے جائیں گی۔ ہم ایران میں شہید ہونے والوں کے لئے دعائے مغفرت کرتے ہیں لیکن ہمیں دنیا میں اسرائیل کی بڑھتی دہشت گردی پر سخت تشویش ہے۔ ہم عالمی طاقتوں کو پانی سر سے اونچا ہونے سے پہلے کردار ادا کرنے کا مطالبہ کرتے ہیں۔