Live Updates

مقبوضہ کشمیر، لوگوںکوشدید گرمی کے موسم میں پانی ، بجلی کی شدید قلت کا سامنا

ہفتہ 14 جون 2025 22:43

سرینگر (اُردو پوائنٹ اخبارتازہ ترین - این این آئی۔ 14 جون2025ء)بھارت کے غیر قانونی زیر قبضہ جموں و کشمیر کے عوام کو شدید گرمی کے اس موسم میں پانی اور بجلی کی شدید قلت کا سامنا ہے۔ علاقے میں پانی اور بجلی کے محکموں میں انجینئروں کی سینکڑوں آسامیاں خالی ہیں جنہیں انتظامیہ نہیں کر رہی جو اسکی لوگوں کی مشکلات کے تئیں عد م توجہی اوربے حسی کا ایک واضح ثبوت ہے۔

(جاری ہے)

کشمیر میڈیا سروس کے مطابق محکمہ پانی میں جونیئر انجینئرز سے چیف انجینئر کی سطح تک کی 802 آسامیاں خالی ہیں جبکہ پاور ڈویلپمنٹ ڈیپارٹمنٹ اور اس سے منسلک کارپوریشنز میں انجینئرنگ کی 861 خالی آسامیاں ہیں۔اتنی بڑی تعداد میں اسامیاں خالی ہونے کی وجہ سے ان محکموں کی عوامی خدمات اور کام کاج شدید متاثر ہیںجسکے نتیجے میں لوگوںکو بجلی کی مسلسل لوڈ شیڈنگ کا سامنا ہے ، کچھ علاقوں میں 12 گھنٹے سے زائد بجلی کی بندش رہتی ہے جسکی وجہ سے پانی کی فراہمی کا نظام بھی بری طرح متاثر ہو رہا ہے۔

مودی کی بھارتی حکومت دفعہ 370 کے منسوخی کے بعد مقبوضہ علاقے میں تعمیر و ترقی کے بلند بانگ دعوے کر رہی ہے لیکن پانی اور بجلی جیسی بنیادی ضروریات کی عدم دستیابی ان دعوئوں کا منہ چڑھا رہی ہے۔