حکومت بلوچستان سنجیدگی سے بلاخوف وخطر لوگوں کے مسائل حل کرنے پر توجہ دیں ، مولانا محمد ایوب منصور

ں*کوئٹہ (اُردو پوائنٹ اخبارتازہ ترین - آن لائن۔ 15 جون2025ء) نائب امیر جماعت اسلامی بلوچستان پروفیسرمولانا محمد ایوب منصور نے کہاکہ حکومت بلوچستان سنجیدگی سے بلاخوف وخطر لوگوں کے مسائل حل کرنے پر توجہ دیں وفاق سے حقوق لیکر عوام پر دیانت داری سے خرچ کریں بدعنوانی کار استہ روک لیں جب تک بدعنوانی ختم نہیں ہوگی بلوچستان کے مسائل حل نہیں ہوسکتے وفاق ومقتدرقوتوں کا بلوچستان کے عوام کیساتھ رویہ کیساتھ صورت ٹھیک نہیں بلوچستان کے عوام کوکیڑے مکوڑے سمجھنا بہت بڑی غلطی وجرم ہے ۔

جماعت اسلامی عوام کے حقوق کے حصول ،ظلم وجبر بدعنوانی لاقانونیت ،جبر کے خلاف اسلام آباد کی طر ف مانگ مار چ شروع کرنے والا ہے نوجوان علمائے کرام سمیت ہر طبقہ فکر کے لوگ اس میں شال ہو تاکہ حقوق کے حصول ،ظلم وجبر لاقانونیت کی راہ ہموار ہوجائے۔

(جاری ہے)

جماعت اسلامی کا ایم پی اے نائب امیر انجینئر عبدالمجید بادینی مثالی خدمت گار ثابت ہوگا دیانت داری سے علاقے کے مسائل حل کریگا اور اپنے احتساب کیلئے ہر وقت تیار ہے مجید بادینی کے دروازے ہر وقت سب کیلئے کھلے ہیں ۔

ان خیالات کا اظہارانہوں نے ڈیرہ اللہ یار میں وفوسے خطاب اوراجلاس سے خطاب کرتے ہوئے کیا انہوں نے کہاکہ میڈیا قومی پارٹیاں بلوچستان میں امن کی بحالی ،حقوق کی فراہمی ،ظلم وجبر ،بارڈر بندش کے خاتمہ ،لاپتہ افراد کی بازیابی کیلئے مخلصانہ کردار اداکریں بصورت دیگر حالات بہت خراب وکنٹرول سے باہر ہوجائیں گے بلندبانگ دعوے ،بے عمل اعلانات ،دھمکی گولی سے مسائل حل نہیں بلکہ نفرت پریشانی اورمشکلات میں اضافہ ہوگا بلوچستان میں بدامنی نے حالات خراب کیے بدامنی بم دھماکوں کے ذمہ دار سیکورٹی ادارے ہیں بدقسمتی سے سیکورٹی کیلئے رکھی گئی بجٹ عوام کی حفاظت امن وامان کے بجائے سیکورٹی فورسزکی حفاظت ان کے پروٹوکول ،شاہ خرچیوں پر خرچ ہورہی ہے عوام کاکوئی پرسان حال نہیں ۔

ہر طرف بے گناہ لوگ دھماکوں،ٹارگٹ کلنگ میں مر رہے ہیں ۔حکمران سیکورٹی فورسزاور ادارے ومقتدر قوتیں تماشائی کا منفی کردار ادا کررہے ہیں جس کی وجہ سے حالت بدسے بدترعوام مایوس پریشان اور خوف ودہشت کا شکار ہیں جب تک عوامی تائید حاصل کرنے والوں سے مشاورت ان کو اعتماد میں نہیں لیا جائیگا طاقت زورزبردستی غرورتکبر اور دھمکی سے مسائل حل ہوں گے نہ امن وامان میسر آسکتاہے ۔

بلوچستان کو لاوارث بنا کر بارودپرکھڑاکر دیاگیا ہے ہرطرف مایوسی خوف دہشت بدامنی اوردھماکے قتل وغارت گری ہے ذمہ داروسیکورٹی ادارے غافل ہیں عوام پریشان نوجوان مایوس ہیں جبری گمشدگیوں مسخ شدہ لاشوں نے مظالم کی نئی تاریخ رقم کی ۔جماعت اسلامی ان مظالم جبر ولاقانونیت کے خلاف اور حقوق کے حصول کیلئے بہت جلد اسلام آباد کی طرف لانگ مارچ کریں گے لانگ مارچ کرکے اسلام آبادمیں بلوچستان کے فیصلے کرنے والوں کو خواب غفلت سے بیدار کرکے حقوق چھین لیں گے ۔ نوجوان جماعت اسلامی کی عوامی تحریک لانگ مارچ کا ہر اول دستہ ہوگا انشاء اللہ جماعت اسلامی کے لانگ مارچ سے بلوچستان کے عوام کو حقوق کے حصول میں آسانی ظلم وجبر کا راستہ بند ہوگا ۔