ٹرانسپورٹ کے شعبے کیلئے مالی سال2025-26کے بجٹ میں غیر ترقیاتی مد میں 46کروڑ35لاکھ روپے جبکہ ترقیاتی مد میں 543ملین روپے مختص ، صوبائی وزیر خزانہ بلوچستان

کوئٹہ (اُردو پوائنٹ اخبارتازہ ترین - اے پی پی۔ 17 جون2025ء) صوبائی وزیر خزانہ میرشعیب نوشیروانی نے کہا ہے کہ ٹرانسپورٹ کے شعبے کیلئے مالی سال2025-26کے بجٹ میں غیر ترقیاتی مد میں 46کروڑ35لاکھ روپے جبکہ ترقیاتی مد میں 543ملین روپے مختص کئے گئے ہیں۔ یہ بات انہوں نے منگل کو بلوچستان کا آئندہ مالی سال کا بجٹ پیش کرتے ہوئے کہی۔ میرشعیب نوشیروانی نے کہا کہ ٹرانسپورٹ ،اِنفراسٹرکچر معیشت کی ترقی اور خوشحالی کے لئے نہ صرف ملکی بلکہ صوبائی لیول میں بھی ایک کلیدی کردار ادا کرتاہیں۔

ہماری صوبائی حکومت صوبے بھر میں ٹرانسپورٹ سروسز کو اپ گریڈکرنے کے اِقدامات کر رہے ہیں تاکہ عوام کوبہتر سفر کی سہولیات میسر ہو سکے۔ کوئٹہ شہر میں شہری ماسٹر ٹرانزٹ سسٹم کے تحت کوئٹہ سٹی میں توسیعی فیڈر روٹس پر کام جاری ہے۔

(جاری ہے)

اِس ضمن میں محکمہ ٹرانسپورٹ کامیابی کے ساتھ ایک منصوبہ گرین بس سروس کو کوئٹہ شہر اور اِن کی مضافات میں وسط دی جارہی ہے۔

موجودہ صوبائی حکومت ٹرانسپورٹ کے شعبے میں عوام دوست اور دیرپا منصوبے لا رہی ہے۔رواں مالی سال کے دوران محکمہ ٹرانسپور ٹ کی نِگرانی میں گرین لائن منصوبے کے تحت 17مزید نئی بسوں جن میں صرف خواتین کے لئے 05پنک بسوں کی مدد سے اِن کو موجودہ سسٹم میں شامل کر کے 40کلومیٹر کا علاقے تک پھیلا دِیا ہے جس سے 30ہزار سے 40ہزار مسافروں کی روزانہ کی بنیاد پرسفر کی سہولیات حاصل کرتے ہیں۔

اِس پروجیکٹ کے مزید فعالیت سے مختلف اداروں کے طلبا کو، 25فیصد سے زیادہ عام مسافر کو اور تقریبا روزانہ اوسط سواری 9000مسافروں کوسفر کی سہولیات فراہم کی جار ہی ہے۔ رواں مالی سا ل کے دوران حکومت بلوچستان نے عوامی سہولت اور جدید سفری نظام کی بلوچستان کے عام عوام تک فراہمی کے لئے ایک اہم پیش رفت کرتے ہوئے پاکستان ریلویز کے اِشتراک سے'' پیپلز ٹرین سروس'' چلانے کا بھی فیصلہ کیا ہے یہ پیپلز ٹرین سروس اِبتدائی طور پر کوئٹہ کے مختلف نواحی علاقوں سریاب اور کچلاک کے درمیان چلائی جائے گی جس کا مقصد شہریوں کو معیاری، محفوظ اور کم لا گت کے سفری سہولیات مہیا کرنا ہے۔

اِس منصوبے کے تحت پاکستان ریلویز کے موجودہ پانچ پرانے ریلوے اِسٹیشنوں کو اپ گریڈ کیا جائے گا جبکہ 2نئے ریلوے اِسٹیشن تعمیر کیے جائیں گے اور ریلوے ٹریک کو جدید خطوط پر اِستوار اور اپ گریڈ کرکے ٹرین کی رفتار اور حفاظت کو یقینی بنایا جائے گا۔ اِس سلسلے میں پاکستان ریلویز اور محکمہ ٹرانسپورٹ بلوچستان کو وزیر اعلی میر سرفراز احمد بگٹی صاحب نے منصوبے کو قابِل عمل بنانے کے لئے واضع ہدایات بھی جاری کردی ہے۔مالی سال2025-26میں اس شعبے کے لیے غیر ترقیاتی مد میں 46کروڑ 35لاکھ روپے جبکہ ترقیاتی مد میں 543 ملین ارب روپے مختص کیے گئے ہیں۔