Live Updates

عمران خان ،پی ٹی آئی نے رہائی کیلئے کبھی کسی ملک سے تعاون کی التماس نہیں کی‘بیرسٹر گوہر

بانی پی ٹی آئی کی رہائی کے متعلق ریلیف عدالتوں سے لیں گے‘چیئرمین پاکستان تحریک انصاف

جمعہ 20 جون 2025 22:31

عمران خان ،پی ٹی آئی نے رہائی کیلئے کبھی کسی ملک سے تعاون کی التماس ..

اسلام آباد(اُردو پوائنٹ اخبارتازہ ترین - این این آئی۔ 20 جون2025ء)چیئرمین پی ٹی آئی بیرسٹر گوہر نے کہا ہے کہ عمران خان کی رہائی کے متعلق ریلیف عدالتوں سے لیں گے،بانی پی ٹی آئی نے کہا تھا کوئی ڈیل نہیں کروں گا، ڈیل کا کوئی جواز اور امکان نہیں ہے، عمران خان یا تحریک انصاف نے کبھی کسی ملک سے تعاون کی التماس نہیں کی۔

(جاری ہے)

نجی ٹی وی سے گفتگو کرتے ہوئے انہوں نے کہا کہ جو ریلیف ملے گا وہ آئین اور قانون کے مطابق عدالتوں سے لیا جائے گا، عدالتیں بہت مشکل حالات میں کام کر رہی ہیں، ہم نے کبھی بانی پی ٹی آئی کی رہائی کے لئے نئی امریکی انتظامیہ سے امیدیں نہیں لگائیں۔

انہوں نے کہا کہ ہمارے وفد نے ایرانی سفارت خانے کا دورہ کیا ہے، ہم نے ایران کے ساتھ اظہارِ یکجہتی کیا ہے، ایران میں ہونے والی اموات پر ہم نے تعزیت کی۔ہم نے ایرانی سفیر کو بتایا کہ پاکستانی حکومت، اپوزیشن اور عوام سب آپ کے ساتھ کھڑے ہیں، ہم نے اسرائیل کی جارحیت کی مذمت کی ہے۔