گورنرسندھ کامران خان ٹیسوری کی قومی ہاکی ٹیم کی شاندار کامیابی پر دلی مبارکباد

ہفتہ 21 جون 2025 20:12

کراچی(اُردو پوائنٹ اخبارتازہ ترین - این این آئی۔ 21 جون2025ء) گورنر سندھ کامران خان ٹیسوری نے قومی ہاکی ٹیم کی شاندار فتح پر دل کی گہرائیوں سے مبارکباد پیش کی ہے۔ انہوں نے اس تاریخی کامیابی کو کھلاڑیوں کی انتھک محنت اور قومی جذبے کا منہ بولتا ثبوت قرار دیا۔

(جاری ہے)

گورنر سندھ نے کہا کہ آپ نے صرف گراؤنڈ میں نہیں، قوم کے دلوں میں کامیابی کا پرچم لہرایا ہے، پوری قوم آپ پر فخر محسوس کر رہی ہے۔

انہوں نے قومی ٹیم کے فائنل میچ کے لیے نیک تمناؤں کا اظہار کرتے ہوئے کہا کہ دعا ہے فائنل میں بھی کامیابی آپ کا مقدر بنے۔گورنر کامران خان ٹیسوری نے کہا کہ پاکستان کی ہاکی بحالی کی جانب بڑھ رہی ہے، یہ لمحہ تاریخ کا اہم موڑ ہے، انہوں نے مزید کہا کہ قومی ہاکی ٹیم نوجوانوں کے لیے مشعلِ راہ ہے، اور یہی جذبہ ملک کو ترقی و کامیابی کی نئی بلندیوں تک لے جائے گا۔