جون سے ملک بھرمیں مون سون بارشوں کی پیشگوئی

پیر 23 جون 2025 22:25

اسلام آباد (اُردو پوائنٹ اخبارتازہ ترین - این این آئی۔ 23 جون2025ء)محکمہ موسمیات نے 25 جون سے ملک بھر میں مون سون بارشوں کی پیش گوئی کردی، شدید بارشوں کے باعث ندی نالوں میں طغیانی اور کئی علاقوں میں لینڈ سلائیڈنگ کا خطرہ ہوگا۔محکمہ موسمیات کے مطابق مون سون ہوائیں بالائی و وسطی علاقوں میں داخل ہو رہی ہیں، اور 25 جون کو مغربی ہوائیں بھی ملک میں داخل ہوں گی جن کے زیر اثر 25 جون سے ملک بھر میں بارشوں کا امکان ہے۔

محکمہ موسمیات کے مطابق کشمیر، گلگت بلتستان میں 24 جون کی شب سے بارش کا امکان ہے جبکہ 25 جون سے 1 جولائی تک اسلام آباد، راولپنڈی، مری، گلیات میں بارشیں متوقع ہیں،اس عرصے کے دوران پنجاب کے مختلف اضلاع میں موسلا دھار بارش کی پیشگوئی کی گئی ہے، فیصل آباد، لاہور، سیالکوٹ، سرگودھا سمیت دیگر شہروں میں موسلا دھار بارشیں متوقع ہیں۔

(جاری ہے)

اسی طرح خیبرپختونخوا کے دیر، سوات، چترال، شانگلہ میں بارشوں کا امکان ہیجبکہ 25 تا 28 جون بلوچستان کے شمال مشرقی اور جنوبی علاقوں اور بالائی اور جنوب مشرقی سندھ میں مون سون کی بارشیں ہوسکتی ہیں۔

مون سون بارشوں کے باعث ندی نالوں میں طغیانی کا خدشہ ہیجبکہ مری، گلیات، دیر، سوات، کوہستان میں لینڈ سلائیڈنگ کا خطرہ درپیش ہوگا۔محکمہ موسمیات کے مطابق مون سون بارشوں اسلام آباد، راولپنڈی، گوجرانوالہ، لاہور کے نشیبی علاقے زیرآب آنے کا خدشہ ہے جبکہ 26 سے 28 جون کے دوران کراچی اور حیدرآباد میں اربن فلڈنگ کا خطرہ ہوسکتا ہے۔محکمہ موسمیات کے مطابق مون سون کی بارشوں سے ٹریفک کی روانی متاثر ہونے کا خدشہ ہوگا۔

Facebook Twitter Google + Share on Whatsapp

جون سے ملک بھرمیں مون سون بارشوں کی پیشگوئی

متعلقہ عنوان :

مزید موسم کی خبریں