پاکستان اور سعودی عرب کے درمیان مثالی، مذہبی اور برادرانہ تعلقات موجود ہیں،الشیخ خالد احترام

منگل 24 جون 2025 11:54

فیصل آباد (اُردو پوائنٹ اخبارتازہ ترین - این این آئی۔ 24 جون2025ء)مدرس مسجد نبوی ؐ الشیخ خالد احترام نے فیصل آباد کے ایک روزہ مختصر دورہ کے دوران فیصل آباد چیمبر آف کامرس اینڈانڈسٹری کے صدر ریحان نسیم بھراڑہ سے ملاقات کی۔ انہوں نے اہالیان فیصل آباد کیلئے نیک خواہشات کا اظہار کیا اور ریحان نسیم بھراڑہ کو مسجد نبوی آنے کی دعوت دی۔ انہوں نے کہا کہ وہ مختصر دورے پر فیصل آباد آئے ہیں تاہم آئندہ جب بھی وہ فیصل آباد آئیں گے وہ چیمبر کا بھی دورہ کریں گے۔

ریحان نسیم بھراڑہ نے ممتاز عالم دین الشیخ خالد احترام کا فیصل آباد تشریف لانے پر اُن کا شکریہ ادا کیا اور انہیں فیصل آباد چیمبر آنے اور بزنس کمیونٹی سے براہ راست ملاقات کی دعوت دی۔انہوں نے کہا کہ پاکستان اور سعودی عرب کے درمیان مثالی، مذہبی اور برادرانہ تعلقات موجود ہیں تاہم اب ہمیں معاشی طور پر بھی باہمی تعاون کو بڑھانے کی ضرورت ہے۔

(جاری ہے)

ریحان نسیم بھراڑہ نے مسجد نبوی کے مدرس فضیلتہ الشیخ خالد احترام کو فیصل آباد چیمبر آف کامرس اینڈانڈسٹری کی شیلڈ بھی پیش کی۔ الشیخ خالد احترام اس سے قبل اسلام کی پہلی مسجد قباء میں تراویح کی امامت کے فرائض بھی سر انجام دے چکے ہیں۔ اِس موقع پر فیصل آباد چیمبر آف کامرس اینڈانڈسٹری کے سابق ایگزیکٹو ممبر حافظ شفیق کاشف اور چوہدری کاشف نواز رندھاوا بھی موجود تھے۔