ملک بھر میں طوفان ،بارش کا الرٹ جاری، این ڈی ایم اے کی وارننگ جاری

پہاڑی علاقوں میں بارشوں کے باعث لینڈ سلائیڈنگ کا بھی امکان

جمعرات 26 جون 2025 03:35

اسلام آباد (اُردو پوائنٹ اخبارتازہ ترین - این این آئی۔ 26 جون2025ء)نیشنل ڈیزاسٹر مینجمنٹ اتھارٹی نے آئندہ 12سے 24گھنٹوں کے دوران ملک بھر میں مختلف مقامات پر طوفان اور گرج چمک کیساتھ بارش کا الرٹ جاری کردیا جبکہ اسلام آباد اور راولپنڈی میں تیز ہواں اور گرج چمک کے ساتھ موسلادھار بارش کا امکان ہے۔جاری الرٹ کے مطابق آئندہ 24گھنٹوں کے دوران مظفرآباد، باغ، راولاکوٹ، میرپور اور نیلم ویلی سمیت آزاد جموں و کشمیر کے علاقوں میں آندھی جھکڑ اور گرج چمک کے ساتھ بارش متوقع ہے جبکہ خیبر پختونخوا کے اضلاع سوات، دیر، پشاور، مالاکنڈ، ایبٹ آباد، نوشہرہ، چارسدہ، اور مانسہرہ میں تیز ہواں کے ساتھ بارش کا امکان ہے، پہاڑی علاقوں میں بارشوں کے باعث لینڈ سلائیڈنگ کا بھی امکان ہے۔

پنجاب کے اضلاع لاہور، ملتان، فیصل آباد اور سیالکوٹ میں بھی آندھی، طوفان اور گرج چمک کے ساتھ بارش متوقع ہے جبکہ سندھ کے اضلاع کراچی، حیدرآباد، سکھر، لاڑکانہ، جیکب آباد، ٹھٹھہ، بدین، ٹھرپارکر، میر پور خاص کے علاقوں میں طوفانی ہواں کے ساتھ موسلادھار بارش کا امکان ہے۔

(جاری ہے)

این ڈی ایم اے نے شہریوں کو آندھی اور طوفان کے دوران کمزور تعمیرات، بجلی کے کھمبوں اوربل بورڈز سے دور رہنے اور متعلقہ اداروں کو کسی بھی ممکنہ ہنگامی صورتحال سے نمٹنے کے لیے پیشگی اقدامات کی ہدایات کی ہے۔