Live Updates

گورنرسندھ کا منشیات کے خلاف عالمی دن کے موقع پرپیغام: منشیات سے پاک پاکستان ہمارا عزم

جمعرات 26 جون 2025 19:25

کراچی(اُردو پوائنٹ اخبارتازہ ترین - این این آئی۔ 26 جون2025ء)گورنر سندھ کامران خان ٹیسوری نے منشیات کے استعمال اور غیر قانونی اسمگلنگ کے خلاف عالمی دن کے موقع پر ایک اہم پیغام جاری کرتے ہوئے ملک بھر میں منشیات کے خاتمے کے لیے اجتماعی کوششوں پر زور دیا۔گورنر سندھ نے کہا کہ منشیات کا استعمال نہ صرف افراد بلکہ پورے معاشرے کی تباہی کا سبب بنتا ہے۔

نوجوان نسل کو اس لعنت سے بچانا ہم سب کی مشترکہ ذمہ داری ہے۔

(جاری ہے)

انہوں نے تعلیمی اداروں میں منشیات کی روک تھام کے لیے سخت اقدامات کی ضرورت پر بھی زور دیا۔گورنر سندھ نے کہا کہ منشیات فروش انسانیت کے دشمن ہیں اور ان کے خلاف مؤثر کاروائیاں ضروری ہیں۔ انہوں نے عوام اور حکومت کے درمیان تعاون کو انسداد منشیات کے لیے ناگزیر قرار دیا اور کہا کہ ایک صحت مند معاشرے کے قیام کے لیے منشیات کے خلاف جنگ جیتنا ہم سب کے لیے اہم ہے۔گورنر کامران خان ٹیسوری نے نوجوانوں کو مثبت سرگرمیوں کی طرف راغب کرنے کو وقت کی اہم ضرورت قرار دیا اور منشیات سے پاک پاکستان کے عزم کا اعادہ کرتے ہوئے یکجہتی کی اپیل کی۔