Live Updates

چین اورایران کی مشترکہ تحقیقات ، بھارت اسرائیل گٹھ جوڑ سے پردہ اٹھا دیا

جمعہ 27 جون 2025 20:22

بیجنگ (اُردو پوائنٹ اخبارتازہ ترین - آن لائن۔ 27 جون2025ء) چین اور ایران کی مشترکہ تحقیقات نے بھارت اسرائیل گٹھ جوڑ سے پردہ اٹھا دیا۔خلیجی ممالک میں بڑی تعداد میں بھارتی شہری آباد ہیں۔متحدہ عرب امارات، سعودی عرب، قطر، بحرین اور عمان میں 9 ملین سے زائد بھارتی مقیم ہیں۔متحدہ عرب امارات میں مقیم 4.3 ملین بھارتیوں میں بڑی تعداد میں سافٹ ویئر اور آئی ٹی ماہرین شامل ہیں۔

چین اور ایران کی مشترکہ تحقیقات کے مطابق بیشتر بھارتی پروگرامرز اسٹار لنک کے ذریعے بھارت سے براہ راست رابطے میں سرگرم پائے گئے۔ذرائع کے مطابق بھارتی سافٹ ویئر انجینئرز نے خلیجی ریاستوں میں ایران مخالف سافٹ ویئر کی تیاری میں اہم کردار ادا کیا۔ایران میں استعمال ہونے والے سافٹ ویئر کے ذریعے حساس مقامات کی تفصیلات اسرائیل منتقل ہونے کا انکشاف ہوا ہے۔

(جاری ہے)

ذرائع کے مطابق ایران میں 8 سے 10 سالہ منصوبہ بندی کے تحت تخریب کاری یونٹس نصب کییگئے۔خلیجی ممالک میں مقیم بھارتیوں کے اسرائیل سے گٹھ جوڑ کے باعث پاکستان سمیت خطے کی سائبر سیکیورٹی کو شدید خطرات لاحق ہیں۔پہلگام فالس فلیگ کی آڑ میں اسرائیل کی معاونت سے بھارت نے پاکستان پر بھی اسی طرز کی جارحیت کی۔مودی سرکار پاکستان کو عالمی سطح پر غیر مستحکم کرنے کے لیے بین الاقوامی فورمز کو ہتھیار بنا رہی ہے۔

بھارت پاکستان میں منظم طریقے سے دہشتگردی پھیلا رہا ہے۔پاکستان میں دہشتگردی کے لیے بھارت کی فتنہ الہندوستان اور فتنہ الخوارج کی سرپرستی کے ناقابل تردید شواہد موجود ہیں۔مشرق وسطیٰ میں بھارت اسرائیل گٹھ جوڑ سے ثابت ہوتا ہے کہ پاکستان کے خلاف بھی اسی طرز کی سازش کی جا سکتی ہے۔