Live Updates

ن* فواد چودھری کی 9 مئی کے 35 مقدمات یکجا کرنے کی درخواست پرسماعت یکم جولائی کوہوگی

اتوار 29 جون 2025 18:00

/اسلام آباد(اُردو پوائنٹ اخبارتازہ ترین - آن لائن۔ 29 جون2025ء)سپریم کورٹ میں فواد چودھری کی 9 مئی کے 35 مقدمات یکجا کرنے کی درخواست پرسماعت یکم جولائی کوہوگی عدالت پہلے ہی فریقین کو نوٹس کر تے ہوئے یکم جولائی تک جواب طلب کرچکی ہے ، سپریم کورٹ میں سابق وفاقی وزیر فواد چودھری کی جانب سے 9 مئی کے واقعات سے متعلق درج 35 مقدمات کو یکجا کرنے کی درخواست پر سماعت جسٹس شاہد وحید کی سربراہی میں بنچ نے کرناہے ۔

(جاری ہے)

واضح رہے کہ 9 مئی 2023 کو پاکستان میں اس وقت بڑے پیمانے پر پرتشدد مظاہرے شروع ہوئے جب سابق وزیر اعظم عمران خان کو نیب کی جانب سے القادر ٹرسٹ کیس میں اسلام آباد ہائیکورٹ سے گرفتار کیا گیا۔ان مظاہروں کے دوران مختلف شہروں میں سرکاری اور فوجی تنصیبات پر حملے کیے گئے جن میں کور کمانڈر ہاو س لاہور، میانوالی ایئربیس اور جی ایچ کیو راولپنڈی کے باہر مظاہرے شامل تھے۔ان واقعات کے بعد حکومت نے تحریک انصاف کے سینکڑوں کارکنان اور رہنماو ں کے خلاف انسداد دہشت گردی سمیت دیگر دفعات کے تحت مقدمات درج کیے، فواد چودھری جو اس وقت پی ٹی آئی کے سینئر رہنما اور سابق وفاقی وزیر تھے ان افراد میں شامل ہیں جن پر مختلف شہروں میں مجموعی طور پر 35 مقدمات میں ایف آئی آرز درج کی گئی تھیں۔