خطے میں امن واستحکام کیلئے سعودی عرب کا وزیراعظم سے اظہارتشکر، مشرق وسطیٰ میں قیام امن کیلئے سعودی عرب کی کوششوں کا مشکور ہوں، شہبازشریف

وزیراعظم نے حرمین شریفین کے متولی شاہ سلمان بن عبدالعزیز آل سعود اور ولی عہد و وزیراعظم شہزادہ محمد بن سلمان بن عبدالعزیز آل سعود کیلئے اپنے پرخلوص جذبات کا اظہار کیا،وزیراعظم سے سعودی سفیر کی ملاقات، دو طرفہ تعلقات، علاقائی صورتحال اور عالمی سطح پر تعاون پر گفتگو

فیصل علوی بدھ 2 جولائی 2025 13:05

خطے میں امن واستحکام کیلئے سعودی عرب کا وزیراعظم سے اظہارتشکر، مشرق ..

اسلام آباد(اردوپوائنٹ اخبار تازہ ترین۔02جولائی 2025)خطے میں امن واستحکام کیلئے سعودی عرب کا وزیراعظم کا شکریہ، شہباز شریف کی مشرق وسطیٰ میں قیام امن کیلئے سعودی عرب کی کوششوں کی بھرپور تعریف کی،وزیراعظم نے حرمین شریفین کے متولی شاہ سلمان بن عبدالعزیز آل سعود اور ولی عہد و وزیراعظم شہزادہ محمد بن سلمان بن عبدالعزیز آل سعود کیلئے اپنے پرخلوص جذبات کا اظہار کیا۔

وزیراعظم محمد شہباز شریف سے پاکستان میں سعودی عرب کے سفیر نواف بن سعید المالکی نے ملاقات کی جس میں دونوں ممالک کے درمیان دو طرفہ تعلقات، علاقائی صورتحال اور عالمی سطح پر تعاون کے امور زیر بحث آئے۔دونوں رہنماؤں کے درمیان مختلف امور پر تبادلہ خیال کیاگیا۔یہ ملاقات خوشگوار ماحول میں ہوئی جس میں مستقبل میں دونوں ممالک کے تعلقات کو مزید وسعت دینے کے عزم کا اعادہ کیا گیا۔

(جاری ہے)

وزیراعظم شہباز شریف نے 24 جون کو ولی عہد شہزادہ محمد بن سلمان سے ہونے والی اپنی حالیہ گفتگو کا حوالہ دیتے ہوئے مشرق وسطیٰ میں قیام امن کیلئے سعودی عرب کی کوششوں کی بھرپور تحسین کی انہوں نے بھارت اور پاکستان کے درمیان جنگ بندی کے قیام میں سعودی عرب کے تعمیری کردار کو بھی سراہا جسے انہوں نے خطے میں استحکام کیلئے ایک مثبت پیشرفت قرار دیا۔

وزیراعظم شہباز شریف نے مشرق وسطیٰ میں قیام امن کیلئے سعودی عرب کی کوششوں کی بھرپور تعریف کی۔شہباز شریف نے سعودی سفیر سے گفتگو کرتے ہوئے کہا کہ پاکستان نے جولائی کے مہینے کیلئے اقوام متحدہ کی سلامتی کونسل کی صدارت سنبھال لی ہے اور انہوں نے اس دوران سعودی عرب کی حمایت سے اپنی قیادت کو مضبوطی سے آگے بڑھانے کے عزم کا اعادہ کیا۔وزیراعظم نے کہا کہ پاکستان او رسعودی عرب کے تعلقات مثالی ہیں اور پاکستان خطے میں امن وامان سعودی عرب کی گئی کوششوں کا معترف ہے۔

اس موقع پر گفتگو کرتے ہوئے پاکستان میں تعینات سعودی سفیر نواف بن سعید المالکی نے خطے میں امن و استحکام کیلئے پاکستان کی مستقل کوششوں اور مثبت کردار کو سراہتے ہوئے وزیراعظم کاشہبازشریف کاخصوصی شکریہ ادا کیا۔